15 mijë dollarë për të marrë një vizë amerikane, SHBA vendos garancinë për disa vende

Administrata e Presidentit Donald Trump do t'u kërkojë qytetarëve nga 50 vende që të depozitojnë një garanci prej 15 mijë dollarësh për të aplikuar për një vizë në Shtetet e Bashkuara të Amerikës.

Sipas një zyrtari të Departamentit të Shtetit, 12 vende po shtohen në një listë që tashmë përfshin 38 vende të tjera, kryesisht në Afrikë.

Programi i zgjeruar i garancisë së vizave, i cili kërkon që shtetasit e huaj të paguajnë 15,000 dollarë për një vizë B1 ose B2 për biznes dhe turizëm, hyn në fuqi më 2 prill. Qëllimi është të parandalohen vizitorët që të qëndrojnë më gjatë se afati i vizave të tyre.

Kombet e reja të përfshira në program janë Kamboxhia, Etiopia, Gjeorgjia, Grenada, Lesoto, Mauritiusi, Mongolia, Mozambiku, Nikaragua, Papua Guinea e Re, Sejshelet dhe Tunizia.

38 kombet e përfshira më parë në këtë listë janë Algjeria, Angola, Antigua dhe Barbuda, Bangladeshi, Benini, Butani, Botsvana, Burundi, Cabo Verde, Republika Qendrore e Afrikës, Bregu i Fildishtë, Kuba, Xhibuti, Dominika, Fixhi, Gabon,-Guineau, Guinea, Malavi, Mauritania, Namibia, Nepali, Nigeria, Sao Tome dhe Principe, Senegali, Taxhikistani, Tanzania, Togo, Tonga, Turkmenistani, Tuvalu, Uganda, Vanuatu, Venezuela, Zambia dhe Zimbabve.

Që nga marrja e detyrës në janar të vitit të kaluar, Trump ka ndjekur një politikë të ashpër emigracioni, duke përfshirë një fushatë agresive deportimi dhe revokimin e vizave dhe kartave të gjelbra.

Grupet e të drejtave të njeriut kanë dënuar politikat e Trumpit në lidhje me emigracionin dhe udhëtimet, duke thënë se ato kufizojnë garancitë për proces të rregullt ligjor dhe lirinë e fjalës.

Shkarkoni aplikacionin Newsmax Balkans:

Mund ta shkarkoni aplikacionin Newsmax Balkans nga Google Play dhe App Store.

Komente (0)