“Gati ta kthejmë Iranin në Epokën e Gurit”, Trump thirrje iranianëve të ngrihen kundër regjimit

Në konferencën për shtyp për shpëtimin e dy pilotëve të bllokuar në mes të Iranit, presidenti Trump foli dhe për situatën në frontin e luftës.

Trump ka konfirmuar sërish kërcënimin e tij ndaj Iranit, duke deklaruar se pas përfundimit të afatit të negociatave, vendi mysliman “do të mbetet pa ura dhe pa centrale energjetike, njësoi si në Epokën e Gurit”.

Gjatë sesionit të pyetjeve-përgjigjjeve me gazetarët në Shtëpinë e Bardhë, Trump tha se afati fillestar 10-ditor për Iranin për të arritur një marrëveshje u shty me një ditë “për t’u treguar i mirë” pas Pashkëve. Por, siç paralajmëroi, pas përfundimit të këtij afati, goditjet ndaj infrastrukturës do të jenë të drejtpërdrejta.

Presidenti shtoi se Irani nuk është aq i fortë sa më parë, por populli iranian “është i gatshëm të vuajë për lirinë e tij” dhe paralajmëroi se çdo ngritje kundër regjimit mund të ketë pasoja të mëdha.

Trump u përpoq të arsyetojë goditjet ndaj infrastrukturës civile, duke thënë se çdo veprim është “i menduar me kujdes” dhe se SHBA kanë kapur komunikime që sugjerojnë se iranianët po kërkojnë veprime të mëtejshme kundër regjimit të tyre.

Shkarkoni aplikacionin Newsmax Balkans:

Mund ta shkarkoni aplikacionin Newsmax Balkans nga Google Play dhe App Store.

Komente (0)