Tragjedia me 40 viktima, Zvicra ndalon fishekzjarrët në ambientet e mbyllura

Kantoni zviceran i Valais ka vendosur të ndalojë të gjitha pajisjet piroteknike në vendet publike të mbyllura pas zjarrit shkatërrues në lokal natën e Vitit të Ri ku humbën jetën 40 persona dhe 116 të tjerë mbetën të lënduar

Autoritetet thanë familjet e viktimave do të merrnin një pagesë emergjente prej 10,000 frangash, ndërsa po krijohet një fond për të mbledhur donacione.

Kantoni i Gjenevës njoftoi gjithashtu një ndalim të fishekzjarrëve në vendet e mbyllura, disa ditë pasi Vaud u bë i pari nga 26 rajonet e Zvicrës që mori një vendim të tillë.

Zjarri në barin Le Constellation në vendpushimin e skive të Crans-Montana besohet se filloi kur fishekzjarrët e vendosur në shishet e shampanjës i vunë flakë mbushjes me shkumë izoluese në tavan.

Dy bashkëpronarët e Le Constallation, çifti francez Jacques dhe Jessica Moretti, janë akuzuar për vrasje nga pakujdesia, lëndime trupore nga pakujdesia dhe zjarrvënie të qëllimshme nga pakujdesia.

Jacques Moretti po mbahet në paraburgim për një periudhë fillestare prej 90 ditësh. Gruaja e tij është detyruar të dorëzojë pasaportën e saj dhe të paraqitet në polici çdo ditë.

Lajmi se lokali nuk ishte inspektuar për pesë vjet ka tronditur familjet e viktimave, shumica e të cilëve ishin të rinj, tetë prej tyre ishin nën moshën 16 vjeç.

Shkarkoni aplikacionin Newsmax Balkans:

Mund ta shkarkoni aplikacionin Newsmax Balkans nga Google Play dhe App Store.

Komente (0)