PD miraton rezolutën: “11 maji ishte farsë elektorale”, synon qeveri teknike dhe bashkim të opozitës

Partia Demokratike ka miratuar në Kuvendin e saj Kombëtar një rezolutë politike, ku denoncon procesin zgjedhor të 11 majit si një “farsë elektorale”, akuzon qeverinë për instalimin e një regjimi autokratik dhe kleptokratik dhe shpall si objektiv kryesor rikthimin e demokracisë dhe garantimin e zgjedhjeve të lira e të ndershme në vend.

Në dokumentin e miratuar, demokratët vlerësojnë se Shqipëria ndodhet në një moment vendimtar historik dhe se përqendrimi i pushteteve, sipas tyre, ka cenuar funksionimin normal të shtetit ligjor. Rezoluta argumenton se proceset zgjedhore janë deformuar nga ndërthurja e partisë me shtetin, përdorimi i administratës publike dhe ndikimi i krimit të organizuar në mbledhjen e votave. Sipas PD-së, këto probleme janë evidentuar edhe nga raportet e organizmave ndërkombëtarë, të cilët kanë ngritur shqetësime mbi standardet demokratike në Shqipëri.

LEXO MË SHUMË

Politikë

Berisha nga Kuvendi Kombëtar: Rama dështoi ta asgjësojë PD-në, do ta përmbysim “diktaturën"

Sali Berisha shfrytëzoi Kuvendin Kombëtar të Partisë Demokratike për të sulmuar ashpër kryeministrin Edi Rama, të cilin e akuzoi për përpjekje për asgjësimin e opozitës. Kreu i PD-së deklaroi se partia nuk blihet dhe nuk shitet, ndërsa premtoi përballje politike me qeverinë.

13:23 4 h më parë30.05.2026.

Autori

Politikë

Berisha pret delegacionin e Venecias: PS financohet 1000 herë më shumë se PD nga buxheti

Në deklaratën e tij, kreu i PD-së tha se çështja e financimit dhe përdorimit të fondeve publike gjatë zgjedhjeve duhet të trajtohet me standarde më të rrepta ndërkombëtare.

10:41 1 ditë më parë29.05.2026.

Autori

Një pjesë e rëndësishme e rezolutës i kushtohet situatës ekonomike dhe sociale në vend. Demokratët shprehen se Shqipëria po përballet me emigrim masiv, rritje të kostos së jetesës, rënie të prodhimit vendas dhe mungesë perspektive për të rinjtë. Në dokument theksohet se largimi i popullsisë përbën një nga sfidat më të mëdha kombëtare dhe kërkon ndërhyrje të menjëhershme.

PD ngre gjithashtu akuza për korrupsion, pastrim parash dhe ndikim të krimit të organizuar në jetën ekonomike dhe institucionale të vendit. Sipas rezolutës, ekonomia po ndikohet nga kapitalet e paligjshme, ndërsa bizneset përballen me presione dhe mungesë konkurrence të ndershme. Po ashtu, opozita pretendon se roli i saj kushtetues është kufizuar si në Kuvend ashtu edhe në proceset që lidhen me integrimin evropian.

Një nga pikat kryesore të dokumentit është kërkesa për krijimin e një qeverie teknike, të cilën Partia Demokratike e konsideron si zgjidhjen më të përshtatshme për garantimin e standardeve minimale zgjedhore dhe për krijimin e kushteve për rotacion politik. Sipas rezolutës, forca më e madhe opozitare do të angazhohet në çdo përpjekje politike për realizimin e këtij objektivi.

Në të njëjtën kohë, demokratët riafirmojnë mbështetjen për integrimin e Shqipërisë në Bashkimin Evropian, duke theksuar se procesi duhet të bazohet në përmbushjen e standardeve evropiane të demokracisë, drejtësisë dhe shtetit ligjor.

Kuvendi Kombëtar i Partisë Demokratike u bën thirrje të gjitha forcave opozitare dhe faktorëve shoqërorë të bashkohen në një front të përbashkët politik, me synimin për atë që e cilëson si përmbysje të regjimit autokratik dhe ndërtimin e një Shqipërie demokratike dhe evropiane.

Shkarkoni aplikacionin Newsmax Balkans:

Mund ta shkarkoni aplikacionin Newsmax Balkans nga Google Play dhe App Store.

Komente (0)