Bllokimi i Ngushticës së Hormuzit ul prodhimin e naftës, rriten rreziqet për krizë globale

Lufta që ka përfshirë Lindjen e Mesme nuk po shkakton vetëm vonesa në transportin e naftës, por edhe ndërprerje të drejtpërdrejta të prodhimit në disa vende kyçe të rajonit.

Sipas ekspertëve, situata në Ngushticën e Hormuzit, një nga korridoret më të rëndësishme energjetike në botë, ka sjellë një bllokim de facto të kalimit të cisternave me naftë, duke penguar furnizimin normal të tregjeve globale.

Andy Lipow, president i Lipow Oil Associates, deklaroi për CNN se nëse cisternat nuk po kalojnë përmes ngushticës, atëherë ato nuk po ngarkojnë naftë në vende si Arabia Saudite, Kuvajti dhe Iraku. Si pasojë, rezervuarët e magazinimit po mbushen, duke detyruar kompanitë të ulin prodhimin.

Ndërprerjet kanë nisur tashmë në Irak. Sipas Bloomberg, Bagdadi ka filluar të reduktojë prodhimin në fushat e tij më të mëdha të naftës dhe, nëse kriza vazhdon, mund të pezullojë deri në 3 milionë fuçi në ditë.

Mes tyre është edhe fusha gjigante Rumaila oil field, një nga më të mëdhatë në botë, e cila ka nisur procesin e mbylljes graduale. CNN ka kontaktuar kompaninë BP, që ndihmon në menaxhimin e kësaj fushe, për një reagim zyrtar.

Ekspertët paralajmërojnë se këto ndërprerje mund të thellojnë më tej krizën e çmimeve të energjisë në tregjet ndërkombëtare.

Shkarkoni aplikacionin Newsmax Balkans:

Mund ta shkarkoni aplikacionin Newsmax Balkans nga Google Play dhe App Store.

Komente (0)