“Qytetet nëntokësore të raketave”, Iran thyen çdo rregull të luftës moderne

Në rrjetet sociale po qarkullojnë pretendime se Iran ka ndërtuar rrjete të mëdha bazash nëntokësore për raketa në të gjitha 31 provincat e vendit. Sipas këtyre pretendimeve, strukturat ndodhen deri në 500 metra nën tokë dhe funksionojnë si të ashtuquajturat “qytete raketash”. Nga aty, raketat mund të dalin nga tunelet, të lëshohen dhe më pas sistemi të rikthehet sërish nën tokë.

Ideja pas këtyre sistemeve është që platformat e lëshimit të mos jenë të dukshme nga jashtë, duke e bërë më të vështirë zbulimin dhe goditjen e tyre nga kundërshtarët. Modele të ngjashme të bazave nëntokësore janë përmendur më parë nga autoritetet iraniane, të cilat kanë publikuar edhe pamje të tuneleve ushtarake për raketa.

Pretendimet vijnë në një kohë kur Washington-i ka deklaruar më parë se kapacitetet raketore të Teheranit janë goditur rëndë nga operacionet e përbashkëta ushtarake amerikano-izraelite. Megjithatë, ekspertët e sigurisë theksojnë se informacionet që qarkullojnë në rrjet shpesh janë të vështira për t’u verifikuar në mënyrë të pavarur dhe se deklaratat për sisteme “të pandalshme” ose “të pashkatërrueshme” zakonisht janë pjesë e retorikës propagandistike gjatë krizave ushtarake.

Shkarkoni aplikacionin Newsmax Balkans:

Mund ta shkarkoni aplikacionin Newsmax Balkans nga Google Play dhe App Store.

Komente (0)