Të mësojmë nga Amerika: Pezullohet taksa 100-vjeçare për të stabilizuar tregun e naftës

Shtetet e Bashkuara kanë vendosur të pezullojnë përkohësisht një ligj të vjetër të transportit detar, në përpjekje për të ulur kostot e energjisë dhe për të stabilizuar tregun e naftës. Presidenti amerikan Donald Trump ka autorizuar pezullimin për 60 ditë të “Jones Act”, një ligj i miratuar në vitin 1920 që shërben si rregullator për transportin e mallrave mes porteve amerikane.

Lajmi është bërë i ditur nga zëdhënësja e Shtëpisë së Bardhë, Karoline Leavitt. Ajo shpjegoi se vendimi synon të zbusë tronditjet afatshkurtra në tregun e naftës, ndërsa forcat e armatosura amerikane vazhdojnë ofensivën e tyre në Iran, në kuadër të operacionit “Tërbimi Epik”.

Sipas zëdhënëses, administrata amerikane mbetet e angazhuar për të forcuar zinxhirët kritikë të furnizimit. Pezullimi i përkohshëm i ligjit do të lejojë për 60 ditë që anijet me flamur të huaj të transportojnë mallra të ndryshme midis porteve të Shteteve të Bashkuara.

Administrata Trump e ka paraqitur këtë vendim si një mënyrë për të lehtësuar transportin e produkteve energjetike, që konsiderohen jetike për sigurinë kombëtare. Autoritetet amerikane argumentojnë se kjo masë do të ndihmojë në parandalimin e mungesave të mundshme të furnizimit që mund të pengonin edhe operacionet ushtarake.

Shkarkoni aplikacionin Newsmax Balkans:

Mund ta shkarkoni aplikacionin Newsmax Balkans nga Google Play dhe App Store.

Komente (0)