Ndjekje si në filma nga policia, aksident pranë aeroportit të Mançesterit, kaos në terminal

Një incident i rëndë ka shkaktuar kaos në një nga aeroportet më të mëdha në Mbretërinë e Bashkuar, pasi një ndjekje policore përfundoi me aksident pranë terminalit kryesor.

Ngjarja ndodhi në orët e para të mëngjesit pranë Terminalit 2 të Manchester Airport, kur një automjet që po ndiqej nga policia u përplas me një tjetër në hyrje të terminalit. Aksidenti u regjistrua rreth orës 02:40, duke shkaktuar ndërprerje të menjëhershme të qarkullimit në këtë pjesë të aeroportit.

Sipas Greater Manchester Police, drejtuesi i automjetit që ishte në ndjekje është transportuar me urgjencë në spital në gjendje të rëndë. Për shkak të vendndodhjes së aksidentit, autoritetet vendosën mbylljen e menjëhershme të hyrjes kryesore të Terminalit 2, duke devijuar të gjithë trafikun drejt një hyrje tjetër.

Kjo situatë shkaktoi vonesa të konsiderueshme dhe radhë të gjata automjetesh, ndërsa udhëtarëve iu kërkua të planifikonin më shumë kohë për të arritur në aeroport. Menaxhmenti i aeroportit paralajmëroi për bllokime dhe kërkoi mirëkuptim nga pasagjerët për shkak të situatës së krijuar.

Pas rreth tre orësh ndërhyrjeje dhe menaxhimi të situatës, autoritetet njoftuan rihapjen e hyrjes rreth orës 05:30, duke rikthyer gradualisht normalitetin në lëvizjen e mjeteve.

Hetimet për shkaqet e aksidentit vijojnë, ndërsa policia pritet të zbardhë rrethanat e plota të ndjekjes dhe përplasjes që çoi në këtë situatë kaotike.

Shkarkoni aplikacionin Newsmax Balkans:

Mund ta shkarkoni aplikacionin Newsmax Balkans nga Google Play dhe App Store.

Komente (0)