Avioni amerikan F-35 bën ulje të detyruar në Lindjen e Mesme, dyshohet se u godit nga Irani

Një avion luftarak amerikan F-35 është detyruar të bëjë ulje emergjente në një bazë ushtarake amerikane në Lindjen e Mesme, pasi dyshohet se është goditur nga irani gjatë një misioni luftarak.

Sipas burimeve të njohura me çështjen, sipas CNN, avioni i gjeneratës së pestë ishte në një operacion mbi territorin iranian kur ndodhi incidenti. Zëdhënësi i Komandës Qendrore të SHBA-së, kapiten Tim Hawkins, konfirmoi se avioni arriti të ulet në mënyrë të sigurt dhe se piloti ndodhet në gjendje të qëndrueshme.

“Aeroplani u ul në mënyrë të sigurt dhe piloti është në gjendje stabile. Incidenti është aktualisht nën hetim,” deklaroi Hawkins.

Nëse konfirmohet, kjo do të shënonte herën e parë që Irani godet një avion ushtarak amerikan që nga nisja e luftës në fund të shkurtit. Avionët F-35, që përdoren si nga SHBA ashtu edhe nga Izraeli në këtë konflikt, janë ndër më të avancuarit në botë dhe kushtojnë mbi 100 milionë dollarë secili.

Ngjarja vjen në një moment kur zyrtarët e lartë amerikanë vijojnë të deklarojnë sukses në operacionet kundër Iranit. Sekretari i Mbrojtjes, Pete Hegseth, u shpreh se SHBA-ja po “fiton në mënyrë vendimtare” dhe se mbrojtja ajrore iraniane është “neutralizuar në masë të madhe”.

Shkarkoni aplikacionin Newsmax Balkans:

Mund ta shkarkoni aplikacionin Newsmax Balkans nga Google Play dhe App Store.

Komente (0)