Armëpushimi drejt fundit, Izraeli dhe Libani në negociata direkte të enjten

Shtetet e Bashkuara kanë konfirmuar se do të presin të enjten në Uashington raundin e dytë të bisedimeve direkte mes Libanit dhe Izraelit, në kuadër të përpjekjeve për uljen e tensioneve në rajon.

Sipas Departamentit Amerikan të Shtetit, këto negociata vijnë pas një takimi të parë të zhvilluar javën e kaluar dhe pas hyrjes në fuqi të një armëpushimi të brishtë mes Izraelit dhe Hezbollahut.

Uashingtoni tha se po lehtëson “bisedime të drejtpërdrejta dhe konstruktive” mes palëve.

Presidenti libanez Joseph Aoun ka deklaruar se dialogu me Izraelin nuk është shenjë dobësie, por një vendim për të mbrojtur interesat dhe sigurinë e vendit. Ndërkohë, Hezbollahu ka kritikuar ashpër negociatat, duke i cilësuar si lëshime të rrezikshme dhe pa konsensus të brendshëm.

Pavarësisht armëpushimit, raportimet tregojnë se Izraeli ka vijuar me sulme dhe shkatërrime në zonat kufitare të jugut të Libanit, ndërsa të dy palët akuzojnë njëra-tjetrën për veprime ushtarake në terren.

Situata mbetet e tensionuar, ndërsa SHBA po përpiqet të ndërmjetësojë një proces më të gjerë negociues për të shmangur përshkallëzimin e konfliktit.

Shkarkoni aplikacionin Newsmax Balkans:

Mund ta shkarkoni aplikacionin Newsmax Balkans nga Google Play dhe App Store.

Komente (0)