Humbi kontaktin me radarët, zhduket avioni mbi Indonezi

Një avion i vogël me 11 persona në bord është zhdukur në Indonezi këtë të shtunë. Avioni ishte nisur për në Makassar të Sulawesi-t Jugor, pasi u ngrit nga Yogyakarta në ishullin Java, me tre pasagjerë dhe një ekuipazh prej tetë anëtarësh.

Sipas AFP-së, avioni në pronësi të Transportit Ajror të Indonezisë u zhduk mbi Indonezinë lindore duke humbur kontakotet pak pas orës 13:00 sipas orës lokale.

Kreu i shërbimit lokal të kërkim-shpëtimit, Muhammad Arif Anwar, tha se ekipet janë vendosur në një zonë malore në rajonin Maros, rreth 42 km nga kryeqyteti provincial Makassar, ku avioni është parë për herë të fundit.

Forcat ajrore, policia dhe vullnetarët janë përfshirë në kërkimet tokësore dhe ajrore.

Andy Sultan, drejtori i operacioneve të shërbimit të kërkim-shpëtimit në Makassar, sqaroi nga ana e tij se një helikopter dhe një dron janë dërguar në zonë për të gjetur avionin.

Shkarkoni aplikacionin Newsmax Balkans:

Mund ta shkarkoni aplikacionin Newsmax Balkans nga Google Play dhe App Store.

Komente (0)