Nëse i ke këto 2 euro në xhep, atëherë ke 2,600 euro

Në një epokë ku paratë cash janë zëvendësuar kryesisht nga kartat, ka disa monedha që kanë vlerë të madhe. Sidomos për ata që duan të mbledhin monedha dhe sende të ngjashme. Mosha e tyre, fakti që janë të rralla, gjendja e tyre e mirë apo edhe të metat unike mund t'i bëjnë ato të arrijnë çmime shumë të larta.

Interneti është bërë një nga vendet më të mira për koleksionistët, me platforma që lejojnë si shitjen ashtu edhe blerjen e monedhave autentike me vlerë qindra euro. Një nga monedhat që është rritur ndjeshëm në vlerë nuk dallohet për moshën e saj apo ndonjë veçori të dukshme. Ajo është një monedhë dy euroshe, e lëshuar në Monako në vitin 2007 për të përkujtuar 25-vjetorin e vdekjes së Grace Kelly.

Vetëm 20,001 copë

Vlera e saj e lartë është për shkak të faktit se u prodhuan vetëm 20,001 copë, gjë që e bën atë veçanërisht tërheqëse për koleksionistët, pasi është e vështirë ta gjesh në qarkullim sot. Për këtë arsye, çmimi i kësaj moneshe arrin në 2,600 euro, duke e bërë atë "diamantin e koleksionit të monedhave përkujtimore 2 euro".

Foto: Google

Për të kuptuar nëse është autentike, duhet të vini re se në anën e saj ka gjashtë herë numrin 2 dhe 12 yje, të gdhendur dhe të alternuar me njëri-tjetrin. Përveç kësaj, në të djathtë shfaqet fjala "MONACO", marka e punimit, viti "2007" dhe marka e gdhendësit, si dhe dymbëdhjetë yjet e Bashkimit Evropian. Me shkronja më të vogla dhe nën flokët e bustit të princeshës, lexohet emri i artistit: "RB BARON".

Roger Bertrand Baron, dizajneri i kësaj monedhe, lindi në Paris në vitin 1907 dhe ishte një skulptor, metalurg, dizajner monedhash dhe gdhendës francez. Aktiviteti i tij ka qenë i lidhur ngushtë me Principatën e Monakos që nga viti 1982. Në fakt, ai dizajnoi edhe monedha të tjera, të tilla si monedha më e vjetër përkujtimore prej 10 frangash për vdekjen e Princeshës Grace të Monakos ose monedhat prej 10, 20 dhe 50 centësh që përshkruajnë një kalorës me armaturë, fillimisht për monedhën 10 frangash.

Monedha Grace Kelly zakonisht shitet në një kuti të kuqe për koleksionistë, duke vërtetuar kështu autenticitetin e saj dhe se nuk është përdorur. Nëse jeni me fat dhe gjeni një nga këto monedha, mund të shkoni në një dyqan të specializuar ose ta vlerësoni përmes platformave të ndryshme të ankandeve online.

Shkarkoni aplikacionin Newsmax Balkans:

Mund ta shkarkoni aplikacionin Newsmax Balkans nga Google Play dhe App Store.

Komente (0)