Trump nxjerr automatikun dhe “sulmon” Iranin: Nuk ka më djalë të mirë

Presidenti i Shteteve të Bashkuara, Donald Trump ka shkaktuar reagime të shumta pas një postimi të ri të publikuar në rrjetet sociale, ku ai ka sulmuar ashpër Iranin.

Në mesazhin e tij të publikuar në orët e para të mëngjesit në Uashington, Trump ka deklaruar se Irani duhet “të vërë mend” dhe ka kritikuar vendin për mungesën e një marrëveshjeje lidhur me programin e tij bërthamor.

Postimi është shoqëruar me një imazh të krijuar me inteligjencë artificiale, ku Trump shfaqet duke mbajtur një automatik përpara një peizazhi malor të shkatërruar nga shpërthimet.

Në imazh shfaqet edhe mbishkrimi “Mjaft me djalin e mirë”, duke reflektuar qëndrimin e tij më të ashpër ndaj Teheranit.

Ky mesazh vjen në kontekstin e tensioneve të vazhdueshme mes Shteteve të Bashkuara dhe Iran, sidomos për çështjen e programit bërthamor iranian dhe mungesën e një marrëveshjeje të re ndërkombëtare.

Postimi ka ngjallur debat të gjerë në opinionin publik dhe në media, si për tonin e tij të fortë politik, ashtu edhe për përdorimin e imazheve të krijuara me inteligjencë artificiale në komunikimin zyrtar të një presidenti.

Shkarkoni aplikacionin Newsmax Balkans:

Mund ta shkarkoni aplikacionin Newsmax Balkans nga Google Play dhe App Store.

Komente (0)