Qeni zbulon drogën në furgonin e kuzhinës së burgut

Një tentativë për futjen e drogës brenda Burgut të Dubravës në Kosovë është parandaluar nga autoritetet korrektuese, pas një kontrolli të detajuar të realizuar në hyrje të institucionit.

Sipas njoftimit të Shërbimit Korrektues të Kosovës, ngjarja ka ndodhur dje rreth orës 15:30, kur zyrtarët korrektues, të mbështetur nga informacionet e Njësisë së Inteligjencës së SHKK-së, kanë kontrolluar një furgon të furnizimit të kuzhinës.

Gjatë kontrollit, ku rol kyç ka pasur edhe qeni antidrogë, është zbuluar një sasi e dyshuar narkotike e fshehur në pjesën e brendshme të llamarinës së derës së pasme të automjetit.

Menjëherë pas identifikimit të rastit janë ndërmarrë veprimet procedurale dhe janë nisur hetime të brendshme për të zbardhur mënyrën e organizimit të tentativës së kontrabandës.

Për rastin është njoftuar edhe Policia e Kosovës, e cila po zhvillon hetimet për identifikimin e personave të përfshirë.

Shkarkoni aplikacionin Newsmax Balkans:

Mund ta shkarkoni aplikacionin Newsmax Balkans nga Google Play dhe App Store.

Komente (0)