Tmerr në Selanik, 13-vjeçarja përdhunohet në grup nga 6 djem, mes tyre 3 shqiptarë

Një ngjarje e rëndë ka ndodhur në qytetin e Selanikut, në Greqi, ku një 13-vjeçare është përdhunuar në grup disa herë nga katër të mitur dhe dy adoleshentë, mes të cilëve edhe tre me origjinë shqiptare.

Sipas mediave helene, djemtë e kanë filmuar të gjithë skenën e përdhunimit të së miturës dhe më pas pjesë nga pamjet filmike janë shpërndarë në internet përmes rrjeteve sociale.

Sipas ankesës së të miturës, me origjinë nga Filipinet, makthi i saj filloi në shkurt dhe zgjati deri në prill.

Katër të miturit duke përfituar nga marrëdhënia miqësore që viktima kishte me 15-vjeçarin, i cili e kishte nxitur të kryenin marrëdhënie seksuale, e kanë çuar atë në një zonë të përbashkët të një pallati, si dhe brenda tualeteve të grave të një parkingu në Selanik, ku e kanë sulmuar seksualisht në grup.

Policia greke ka proceduar penalisht për rastin gjashtë individëve të moshës 14, 15, 18, 19 dhe dy 16 vjeçarë, mes të cilëve 3 grekë dhe 3 shqiptarë. Ata akuzohen për përdhunim, akte seksuale me ose para të miturve, pornografi për hakmarrje, pornografi me fëmijë dhe shkelje të Ligjit për Mbrojtjen e të Dhënave Personale.

Telefonat celularë të të miturve u konfiskuan dhe do të dërgohen në Departamentin e Nëndrejtorisë së Hetimeve Penale të Greqisë Veriore për ekzaminim laboratorik.

Shkarkoni aplikacionin Newsmax Balkans:

Mund ta shkarkoni aplikacionin Newsmax Balkans nga Google Play dhe App Store.

Komente (0)