Zona të Greqisë mbulohen nga bora, temperaturat shkojnë minus

Moti i pazakontë ka përfshirë disa zona të Greqisë, duke sjellë temperatura dimri dhe reshje bore në mesin e pranverës, ndonëse kalendari shënon fillimin e majit.

Në disa rajone malore, si në Parnitha dhe Parnassos, reshjet e dëborës kanë krijuar peizazhe magjepsëse, duke e kthyer zonën në një skenë tipike dimri. Autoritetet janë detyruar të ndërpresin qarkullimin e automjeteve në disa segmente, sidomos pranë zonave më të larta dhe teleferikëve.

Situata e motit të keq është shtrirë edhe në rajone të tjera si Kalavrita, ku temperaturat kanë zbritur deri në -1°C.

Borë është raportuar gjithashtu në Ziria dhe në zonat malore të Trikala, ku rrugët janë bërë të rrëshqitshme dhe në disa segmente është e nevojshme përdorimi i zinxhirëve për automjetet.

Autoritetet lokale kanë ndërhyrë me kriposje dhe pastrim të rrugëve për të garantuar qarkullimin.

Edhe zona e Pelion ka regjistruar temperatura pranë zeros dhe reshje bore, ndërsa në Kretë, në drejtim të zonave më të larta pranë Chania, drejtuesve të automjeteve u është rekomanduar të përdorin pajisje dimërore.

Sipas parashikimeve, moti i keq pritet të tërhiqet gradualisht në ditët në vijim, duke i lënë vend rritjes së temperaturave që mund të kalojnë 27°C gjatë javës. Kjo luhatje ekstreme e motit ka habitur banorët dhe turistët, të cilët kanë përjetuar brenda pak ditësh kushte si dimri dhe pranvera në të njëjtën kohë.

Shkarkoni aplikacionin Newsmax Balkans:

Mund ta shkarkoni aplikacionin Newsmax Balkans nga Google Play dhe App Store.

Komente (0)