Humbi jetën në një aksident në Librazhd, zbulohet kush ishte miliarderi kinez

Detaje të reja janë zbardhur në lidhje me aksidentin e rëndë rrugor në aksin Elbasan-Librazhd, ku pas përplasjes së dy makinave humbi jetën një shtetas kinez.

Sipas lajmeve të publikuara së fundmi në mediat kineze, bëhet fjalë për një miliarder të njohur, i cili kishte ardhur në Shqipëri për një takim pune.

Li Jianhong, një biznesmen i njohur kinez ishte drejtues i kompanisë Xinjiang Grand Scape Group. Ai ishte një figurë e rëndësishme në fushën e biznesit dhe turizmit në Kinë. Ai themeloi resortin e njohur Silkroad Mountain Resort dhe ndërtoi një kompani të fuqishme me aktivitet në telekomunikacion, turizëm dhe investime.

Përveç biznesit, ai ishte i apasionuar pas alpinizmit dhe sporteve dimërore, duke arritur të ngjitet në majat më të larta të botës, përfshirë Malin Everest dhe K2, si dhe të përfundojë sfida të rëndësishme ndërkombëtare në këtë fushë.

Sipas raportimeve, aksidenti ndodhi në rrugën kombëtare Librazhd-Elbasan, pranë zonës së Xibrakë, ku si pasojë e përplasjes së dy automjeteve, Li, 60 vjeç, ndërroi jetë, ndërsa gjashtë persona të tjerë mbetën të plagosur.

Policia bëri të ditur se drejtuesi 26-vjeçar i mjetit tjetër është arrestuar në flagrancë, i dyshuar për shkelje të rregullave të qarkullimit rrugor.

Shkarkoni aplikacionin Newsmax Balkans:

Mund ta shkarkoni aplikacionin Newsmax Balkans nga Google Play dhe App Store.

Komente (0)