Do rregullojë marrëdhëniet me Papën dhe Melonin? Sekretari amerikan vizitë në Romë

Sekretari amerikan i Shtetit, Marco Rubio pritet të zhvillojë një vizitë zyrtare në Romë këtë javë, në një përpjekje për të përmirësuar marrëdhëniet mes Shteteve të Bashkuara dhe Italisë e Selisë së Shenjtë.

Sipas burimeve, Rubio do të takohet me zyrtarë të lartë italianë, përfshirë ministrin e Jashtëm Antonio Tajani dhe ministrin e Mbrojtjes Guido Crosetto. Nuk përjashtohet edhe një takim me kryeministren Giorgia Meloni.

Gjithashtu, gjatë qëndrimit në Romë, ai pritet të takohet edhe me Papa Leone XIV, çka tregon rëndësinë e kësaj vizite edhe në planin diplomatik me Vatikanin.

Vizita vjen në një moment tensionesh mes Uashingtonit dhe Romës, pasi presidenti Donald Trump ka shprehur pakënaqësi për qëndrimin e Italisë në lidhje me konfliktin me Iranin. Ai ka ngritur gjithashtu çështjen e tërheqjes së trupave amerikane nga bazat në Evropë dhe ka paralajmëruar tarifa të reja tregtare ndaj Bashkimit Evropian.

Megjithatë, dërgimi i Rubios në Romë shihet si një sinjal për ulje tensionesh dhe përpjekje për riforcimin e bashkëpunimit mes palëve.

Shkarkoni aplikacionin Newsmax Balkans:

Mund ta shkarkoni aplikacionin Newsmax Balkans nga Google Play dhe App Store.

Komente (0)