Izraeli modernizon flotën ajrore, marrëveshje miliarda dollarë më SHBA

Izraeli ka miratuar një marrëveshje multimiliardëshe me Shtetet e Bashkuara për blerjen e avionëve luftarakë të avancuar, me synim forcimin e kapaciteteve ushtarake për vitet në vijim.

Sipas Ministrisë së Mbrojtjes izraelite, marrëveshja përfshin blerjen e avionëve F-35 nga kompania Lockheed Martin, si dhe avionëve F-15 IA nga Boeing.

Ministri i Mbrojtjes, Israel Katz, deklaroi se kjo blerje është pjesë e planit strategjik për të garantuar epërsinë ajrore të vendit në dekadat e ardhshme dhe për të siguruar që ushtria të jetë e aftë të veprojë në çdo kohë dhe në çdo vend.

Izraeli tashmë zotëron dhjetëra avionë F-35, të cilët kanë luajtur rol të rëndësishëm në operacionet ushtarake, përfshirë konfliktin në Gaza dhe përplasjet me Irani.

Rritja e investimeve në mbrojtje vjen në një kohë tensionesh të larta në rajon, ku Izraeli vazhdon të përballet me kërcënime të ndryshme sigurie, përfshirë edhe grupin Hezbollah në Libanin jugor.

Buxheti i ri i miratuar për vitin 2026 parashikon rritje të ndjeshme të shpenzimeve ushtarake, duke reflektuar situatën e tensionuar dhe nevojën për forcim të kapaciteteve mbrojtëse.

Shkarkoni aplikacionin Newsmax Balkans:

Mund ta shkarkoni aplikacionin Newsmax Balkans nga Google Play dhe App Store.

Komente (0)