Autobusi përmbyset në përrua, 4 të vdekur dhe 15 të plagosur në Turqi

Një aksident i rëndë rrugor është regjistruar pasditen e së dielës në Turqi, ku një autobus pasagjerësh ka dalë nga rruga dhe është përmbysur në një përrua në provincën e Malatya-s.

Ngjarja ka ndodhur në distriktin Dogansehir, në segmentin rrugor Malatya–Adıyaman. Sipas raportimeve paraprake nga mediat turke, si pasojë e aksidentit kanë humbur jetën katër persona, ndërsa 15 të tjerë kanë mbetur të plagosur.

Autobusi, i cili i përkiste kompanisë së transportit “Muş Yolu Turizm”, ka humbur kontrollin dhe është përmbysur në një kanal pranë zonës së Polatdere.

Menjëherë pas njoftimit, në vendngjarje kanë mbërritur forca të shumta të emergjencës, përfshirë policinë, xhandarmërinë, ekipet shëndetësore dhe zjarrfikësit.

Guvernatori i Malatya-s, Seddar Yavuz, ka deklaruar se operacionet e shpëtimit janë ende në vijim dhe se autoritetet po punojnë për të zbardhur plotësisht rrethanat e aksidentit.

Ai gjithashtu ka shprehur ngushëllimet për viktimat dhe ka uruar shërim të shpejtë për të plagosurit.

Shkarkoni aplikacionin Newsmax Balkans:

Mund ta shkarkoni aplikacionin Newsmax Balkans nga Google Play dhe App Store.

Komente (0)