Italia voton në referendumin për drejtësinë, pjesëmarrje rekord

Italia votoi dje dhe sot në referendumin për drejtësinë, ku përqindja e votuesve ka kaluar atë të referendumeve të tjera deri më sot në shtetin fqinj. 

Sipas të dhënave të pjesëmarrjes të publikuara nga portali Eligendo, deri dje, në orën 23:00, kur u mbyllën qendrat e votimit, gati gjysma e votuesve me të drejtë vote në Friuli Venezia Giulia kishin hedhur votën e tyre, ose 48.55%, duke tejkaluar mesataren kombëtare prej 46.07%.

Sa i përket provincave, pjesëmarrja më e lartë u regjistrua në Pordenone me 50.48%, e ndjekur nga Gorizia me 48.60%, Udine me 48.55% dhe Trieste me 45.95%.

"Gati për të votuar. Mbani mend: keni kohë deri në orën 15:00 të sotëm për të shkuar në qendrat e votimit.Pjesëmarrja është e rëndësishme." shkroi në X, kryeministrja Giorgia Meloni, së bashku me një foto të saj me kartën e saj zgjedhore për të votuar në referendumin kushtetues për reformën në drejtësi.

Ky referendum është një test për qeverinë e Melonit dhe partinë e saj dhe në betejën e saj me drejtësinë.

Shkarkoni aplikacionin Newsmax Balkans:

Mund ta shkarkoni aplikacionin Newsmax Balkans nga Google Play dhe App Store.

Komente (0)