Ndahet nga jeta aktori i “Star Wars”

Aktori britanik Michael Pennington, i njohur për rolin e tij në filmin “Star Wars” ka ndërruar jetë në moshën 82-vjeçare.

Pennington ishte i njohur për interpretimin e komandantit Moff Jerjerrod në sagën e famshme “Star Wars”, por gjatë karrierës së tij ai u vlerësua edhe si një nga aktorët më të spikatur të teatrit shekspirian në Mbretërinë e Bashkuar. Ai ishte gjithashtu artist i asociuar nderi i Royal Shakespeare Company dhe bashkëthemelues i kompanisë “English Shakespeare Company”.

Pas lajmit për ndarjen e tij nga jeta, aktorja Miriam Margolyes e kujtoi si një “aktor brilant, të mençur dhe mik të vjetër”.

I lindur më 7 qershor 1943 në Kembrixh të Anglisë, Pennington e nisi karrierën televizive në vitin 1965 me serialin “The War of the Roses”. Ai interpretoi në më shumë se 70 role në film dhe televizion gjatë karrierës së tij.

Ndër rolet më të njohura ishte edhe interpretimi përkrah Meryl Streep në filmin “The Iron Lady”. Pennington bashkëpunoi gjithashtu me Judi Dench në disa produksione teatrale.

Roli i tij i fundit ishte në vitin 2022, ku dha zërin për serialin fantastiko-shkencor “Raised by Wolves”.

Shkarkoni aplikacionin Newsmax Balkans:

Mund ta shkarkoni aplikacionin Newsmax Balkans nga Google Play dhe App Store.

Komente (0)