Tentuan të trafikonin armë dhe automjet të vjedhur, arrestohen dy shtetas në Morinë

Policia Kufitare në Pikën e Kalimit Kufitar Morinë ka finalizuar operacionin e koduar “JAD 1”, në kuadër të goditjes së trafikimit të armëve të zjarrit dhe mjeteve motorike. Gjatë operacionit është arrestuar një 38-vjeçar nga Kosova, i cili tentoi të fuste në Shqipëri një armë zjarri të fshehur në një automjet tip “BMW”, që rezultoi i vjedhur në Gjermani.

Sipas policisë, në pranga janë vënë shtetasit M. P., 38 vjeç dhe H. A., 34 vjeç, të dy banues në Prishtinë. Në hyrje të Republikës së Shqipërisë është paraqitur shtetasi M. P., i cili drejtonte një automjet tip “Tuareg”, me të cilin kishte rimorkuar një automjet tip “BMW”. Nga verifikimet rezultoi se automjeti tip “BMW” ishte i vjedhur në Gjermani.

Gjatë kontrollit të imtësishëm të kryer nga shërbimet e Policisë Kufitare, brenda automjetit u gjet dhe u sekuestrua një armë zjarri pistoletë me municion luftarak. Në vijim të hetimeve, policia arriti të identifikojë dhe të arrestojë edhe shtetasin H. A., i cili dyshohet se kishte porositur trafikimin e armës dhe të automjetit. Gjithashtu u sekuestruan arma e zjarrit me municion, automjeti tip “BMW”, si dhe automjeti bashkë me rimorkio me të cilin transportohej makina e vjedhur.

Shkarkoni aplikacionin Newsmax Balkans:

Mund ta shkarkoni aplikacionin Newsmax Balkans nga Google Play dhe App Store.

Komente (0)