Nafta ulet me 3 lekë, benzina vetëm me 2 lekë: Vendimi i fundit i Bordit të Transparencës

Bordi i Transparencës ka vendosur një ulje modeste të çmimeve të karburanteve në mbledhjen e zhvilluar më 15 maj 2026. Sipas vendimit të fundit, çmimi i naftës do të jetë jo më shumë se 198 lekë/litri për shitjen me pakicë, ndërsa për shumicë jo më shumë se 186 lekë/litri, duke shënuar një ulje prej 3 lekësh.

Ndërkohë, benzina do të shitet me pakicë jo më shumë se 185 lekë/litri, ndërsa me shumicë jo më shumë se 173 lekë/litri, me një ulje prej 2 lekësh. Bordi njofton se çmimet e reja kanë hyrë në fuqi sot, më 15 maj, në orën 13:00, dhe do të mbeten të vlefshme deri në mbledhjen e radhës, ku do të reflektohen ndryshimet e tjera të mundshme.

Autoritetet paralajmërojnë të gjithë operatorët e tregtimit me shumicë dhe pakicë se janë të detyruar të zbatojnë vendimin, ndërsa në rast shkeljesh do të merren masa, deri në pezullimin e aktivitetit. Ministria e Ekonomisë dhe Inovacionit, në bashkëpunim me Ministrinë e Financave dhe Ministrinë e Infrastrukturës dhe Energjisë, deklaron se do të vijojë angazhimin për mbrojtjen e interesave të konsumatorëve dhe garantimin e konkurrencës së ndershme në treg.

NJOFTIMI I BORDIT TË TRANSPARENCËS:

Bordi i Transparencës në datë 15 Maj 2026, në mbledhjen e radhës vendosi:

✅Çmimi i shitjes me pakicë i nënproduktit gazoil i standardit SSH EN 590 të jetë jo më shumë se 198 lekë/litri, ndërsa i shitjes me shumicë jo më shumë se 186 lekë/litër.

✅Çmimi i shitjes me pakicë i nënproduktit benzinë e standardit SSH EN  të  jetë jo më shumë se 185 lekë/litri, ndërsa i shitjes me shumicë jo më shumë se 173 lekë/litër.

🗓️Çmimet e caktuara nga Bordi do të hynë në fuqi sot datë 15 ora  13.00 dhe do të jenë të vlefshme deri në mbledhjen e ardhshme të bordit ku do të pasqyrohen ndryshimet e çmimeve të shitjes.

⚠️Tërheqim vëmendjen e çdo operatori të shitjes me shumicë dhe pakicë të nënprodukteve të naftës mbi detyrimin e zbatimit të këtij vendimi.

🚫Në rast të shkeljeve të konstatuara nga operatorë të ndryshëm do të vendoset pezullimi i aktivitetit.

🛢️ Ministria e Ekonomisë dhe Inovacionit sëbashku me Ministrinë e Financave dhe Ministrinë e Infrastrukturës dhe Energjisë  janë angazhuar të mbrojnë interesat e konsumatorëve shqiptarë dhe ruajtjes së parimeve të konkurrencës së ndershme në treg.

Shkarkoni aplikacionin Newsmax Balkans:

Mund ta shkarkoni aplikacionin Newsmax Balkans nga Google Play dhe App Store.

Komente (0)