Grupi i drogës në Elbasan, gjykata jep vendimin për 10 të arrestuarit

Gjykata e Elbasanit ka vendosur të lejë në burg 10 personat e arrestuar për shpërndarje të lëndëve narkotike në lagje të ndryshme të qytetit, por edhe në zona të tjera të qarkut.

Operacioni u zhvillua fundjavën që lamë pas në Elbasan, por edhe në Librazhd e Prrenjas.

Për finalizimin e tij morën pjesë Prokuroria e Elbasanit, në bashkëpunim me Policinë dhe mbështetjen e Forcave të Ndërhyrjes së Shpejt.

10 persona u vunë në pranga për shpërndarje narkotikësh, teksa 7 të tjerë janë shpallur në kërkim. Gjatë operacionit u sekuestruan sasi të konsiderueshme droge të ndara në doza dhe para.

Sipas hetuesve, hetimet për këtë grup kishin nisur rreth 10 muaj më parë, ku janë përdorur agjentë të infiltruar dhe janë siguruar prova përmes pamjeve filmike.

Operacioni vijon për kapjen e personave të shpallur në kërkim dhe identifikimin e të tjerëve të përfshirë në aktivitetin kriminal.

Shkarkoni aplikacionin Newsmax Balkans:

Mund ta shkarkoni aplikacionin Newsmax Balkans nga Google Play dhe App Store.

Komente (0)