Dy ndryshime në qeveri, zbulohen emërimet e reja

Agjencia për Mediat dhe Informim ka publikuar vendimet më të fundit të Këshillit të Ministrave, të cilat sjellin ndryshime në drejtimin e disa institucioneve kyçe. Ndryshimet prekin Agjencinë Kombëtare të Bregdetit si dhe strukturën drejtuese të Ministrisë së Arsimit.

Sipas njoftimit zyrtar, Xheni Beqaj është caktuar në krye të Agjencisë Kombëtare të Bregdetit, duke marrë detyrën e Drejtores së Përgjithshme të këtij institucioni strategjik për menaxhimin e vijës bregdetare.

Gjithashtu, qeveria ka vendosur një ristrukturim të funksioneve në Ministrinë e Arsimit. Orjana Osmani është liruar nga pozicioni i zëvendësministres së Arsimit dhe Sportit, ndërsa është riemëruar si zëvendësministre e Arsimit, si pjesë e një riorganizimi të portofolit. Kjo lëvizje vjen pas kalimit të Sportit nën strukturën e Ministrisë së Kulturës dhe Turizmit, e drejtuar nga ministri Blendi Gonxhja.

Vendimet përfshijnë:

-Emërimin e Xheni Beqajt si Drejtore e Përgjithshme e Agjencisë Kombëtare të Bregdetit.
-Lirimin e Orjana Osmanit nga detyra e zëvendësministres së Arsimit dhe Sportit.
-Riemërimin e saj si zëvendësministre e Arsimit, pas ndryshimit të portofolit.

Shkarkoni aplikacionin Newsmax Balkans:

Mund ta shkarkoni aplikacionin Newsmax Balkans nga Google Play dhe App Store.

Komente (0)