“Kuvendi, bunker i Belinda Ballukut”, Bardhi akuza Ramës e Peleshit: Po bëni avokatinë e zv/kryeministres

Pasi gjetën të mbyllur derës e sallës ku zhvillohen mbledhjet e Këshillit të Mandateve, duke ua pamundësuar në këtë mënyrë mbledhjen e thirrur prej tyre për çështjen “Balluku”, kreu i Grupit Parlamentar të PD, Gazment Bardhi tha për mediat se shtyrja që mazhoranca po i bën shqyrtimit të kërkesës së SPAK për imunitetin e zv/kryeministres ka si qëllim t’i japë kohë asaj për të ndikuar mbi dëshmitarët dhe për të prishur provat.

Bardhi e akuzoi Ballukun për intimidim të një vartëseje të saj, e cila sipas tij ka bashkëpunuar me SPAK dhe ka dhënë dëshmi lidhur me procedurën e tenderit të tunelit të Llogarasë.

“E keni parë që media ka publikuar dëshminë e vartëses së Ballukut që ka bashkëpunuar me SPAK për të treguar si është zhvilluar procedura e tenderit të tunelit të Llogarasë. Është kjo vartëse që është intimiduar nga Balluku. Këta po tentojnë që duke i dhënë kohë Ballukut të prishin provat, të intimidojnë dëshmitarët dhe të pengojnë drejtësinë”, deklaroi Bardhi.

LEXO MË SHUMË

Politikë

Dosja Balluku, SPAK kontrolle ndaj bashkëpunëtorëve të saj dhe disa biznesmenëve

Policia e Shtetit po zhvillon disa kontrolle me urdhër të SPAK ndaj bashkëpunëtorëve dhe biznesmenëve të lidhur me zv.kryeministren Belinda Balluku. Ende nuk ka detaje nga operacioni.

12:01 20 ditë më parë26.12.2025.

Autori

Politikë

Dera e Kuvendit e mbyllur, dështon tentativa e PD për mbledhjen e Këshillit të Mandateve për çështjen "Balluku"

Tentativa e pesë anëtarëve të Partisë Demokratike për të zhvilluar mbledhjen e Këshillit të Mandateve, për të shqyrtuar kërkesën e SPAK për heqjen e imunitetit të zv/kryeministres Belinda Balluku ka dështuar.

11:50 20 ditë më parë26.12.2025.

Autori

Politikë

Rama u zotua se çështja "Balluku" nuk diskutohet deri më 22 janar, PD kërkon mbledhjen e Këshillit të Mandateve

Pesë anëtarët e PD në Këshillin e Imunitetit dhe Mandateve i janë drejtuar kreut të Kuvendit Niko Peleshi, me një kërkesë për të mbledhur ditën e nesërme Këshillin për të vijuar shqyrtimin e kërkesës së SPAK për heqjen e imunitetit të zv/kryeministres Belinda Balluku.

13:54 24 ditë më parë22.12.2025.

Autori

Sipas tij, pesë anëtarët e opozitës në Këshillin e Mandateve kishin thirrur mbledhjen e Këshillit këtë të martë në orën 11:00, por ajo nuk u zhvillua pasi salla ku do të mbahej mbledhja ishte e mbyllur me çelës.

Bardhi akuzoi drejtpërdrejt kryeministrin Edi Rama dhe kryetarin e Kuvendit, Niko Peleshi, se po përdorin institucionin e Kuvendit për të mbrojtur Ballukun, ndaj së cilës SPAK ka kërkuar prej 10 ditësh heqjen e imunitetit.

“Gjysma e Këshillit kërkoi mbledhjen e Këshillit të Mandateve dhe Imuniteteve. Mbushen sot 10 ditë që kur SPAK ka kërkuar heqjen e imunitetit të Ballukut, e akuzuar për shkelje në 11 procedura tenderimi me vlerë 1.1 miliardë euro. Në një akt të turpshëm dhe të paprecedentë të Peleshit, jo vetëm që u mbyll çdo sallë mbledhjeje në Kryesi, por u penguan edhe deputetët që në sallën e tyre të komunikonin me mediat”, u shpreh Bardhi.

Ai shtoi se Kuvendi është shndërruar në një bunker për të mbrojtur zv/kryeministren.

“Nuk kishte ndodhur kurrë që Kuvendi të kthehej në bunkerin e Belinda Ballukut. Mendojnë se do të marrin peng drejtësinë dhe do ta pengojnë të bëjë detyrën e saj. E kanë gabim. Peleshi, njësoj si Rama, e ka kthyer zyrën e tij në zyrë avokatie të Belindës”, përfundoi Bardhi.

Shkarkoni aplikacionin Newsmax Balkans:

Mund ta shkarkoni aplikacionin Newsmax Balkans nga Google Play dhe App Store.

Komente (0)