Aktualitet
Borë deri 40 cm, akse të bllokuara dhe mungesë energjie në Dibër
Reshjet e borës kanë shkaktuar probleme në Dibër. Raportohen rrugë të bllokuara dhe mungesë energjie në disa zona.
09:31 1 ditë më parë11.01.2026.
AutoriBerisha e lidh rrëzimin e Maduros me fatin e Ramës: Po shkohet drejt një grushti shteti, fjalën e ka populli
Kryedemokrati Sali Berisha ka komentuar arrestimin nga forcat amerikane të Presidentit venezuelian, Nicolas Maduro, duke paralajmëruar një fat të ngjashëm për kryeministrin shqiptar, Edi Rama. Sipas Berishës opozita do të kërkojë largimin e tij dhe fatin e shefit të qeverisë e ka në dorë populli.
03.01.2026. 13:02
Arrestimi i Presidentit të Venezuelës, Nicolas Maduro nga forcat amerikane gjatë inkursionit që zhvilluan herët në mëngjes në Karakas, nuk ka kaluar pa u komentuar as në Tiranë.
Sali Berisha, i cili shpesh e ka krahasuar kryeministrin Edi Rama me të, duke e etiketuar edhe si Ramaduro, u shpreh në daljen e parë të 2026-s se rënia e regjimit të Maduros është ogur i mirë edhe për Shqipërinë.
“Forcat ushtarake amerikane dhe qeveria e SHBA morën vendimin e tyre për rrëzimin, arrestimin e diktatorit të shëmtuar të Venezuelës, Maduros, dhe evakuimin e tij jashtë vendit për t’i bërë gjyqin e merituar. Largimi i Maduros nga pushteti, këtij diktatori të lidhur me drogën dhe manipulimin e zgjedhjeve, është një lajm i mirë për të gjithë njerëzit e lirë kudo në botë, veçanti për popullin e Venezuelës që vuajti kaq vite nën regjimin e tij. Por është një lajm shumë i mirë edhe për shqiptarët, të cilët përjetojnë regjimin e klonit të tij në Shqipëri, të cilat mediat amerikane dhe jo vetëm ato, e kanë quajtur Ramaduro”, deklaroi Berisha.
Sipas kreut të PD, zhvillimet e fundit në Venezuelë do të jenë një shtysë për opozitën shqiptare që të kryejë detyrën e saj dhe misionin për të çuar vendin ne zgjedhje të parakohshme, për të larguar Edi Ramën nga pushteti.
“Këto zhvillime në Venezuelë janë një inkurajim shumë i madh për opozitën shqiptare për të bërë detyrën e vet, largimin sa më shpejt nga pushteti të një personi, të një diktatori që qëndron mbi votën e grabitur, mbi lidhjet e tij me krimin dhe drogën dhe vjedhjet e shqiptarëve. Edi Rama apo Ramaduro i ka shpallur luftë të hapur drejtësisë. Në monologun e tij për tre orë pranoi të gjitha vjedhjet që u ka bërë shqiptarëve, por nuk i konsideron vjedhje, ndaj edhe mori në mbrojtje Lubi Ballukun dhe Lindën e AKSHI-t për të cilën tha se kishte respekt maksimal. Rama u zotua se nuk do pranojë vendimet e prokurorisë dhe gjykatave për rrethin e tij familjar dhe ministrat e tij. Në këtë kontekst mbetet vetëm zëri i opozitës, po shkohet drejt një grusht shteti dhe fjalën e ka populli dhe vetëm populli. Kjo situatë na fton dhe nuk ka gjen të papërgatitur”, u shpreh Berisha.
Shkarkoni aplikacionin Newsmax Balkans:
Komente (0)