Kronikë
Dy të plagosur në një aksident rrugor në Ersekë
Dy makina janë përfshirë në një aksident pranë Ersekës duke lënë dy persona të plagosur.
18:06 1 ditë më parë13.03.2026.
AutoriÇështja “Balluku” ndez polemikat në Konferencën e Kryetarëve, Bardhi e Tabaku replika me Peleshin
Shtyrjet me argumentin se mbledhja e Këshillit të Imunitetit mund të bëhet vetëm pas vendimit të Gjykatës Kushtetuese është cilësuar nga demokratët si i pabazuar në Kushtetutë dhe Rregullore.
29.01.2026. 13:39
Konferenca e Kryetarëve për “Territorialen” është kthyer në arenën e përplasjeve për çështjen Balluku dhe moszbatimin e kërkesës së SPAK për arrestimin e zv.kryeministres. Pasi kundërshtoi kërkesën e Partisë Socialiste për të zhbërë formulën e Komisionit për Reformën Territoriale, deputetja demokrate, Jorida Tabaku akuzoi mazhorancën se po mbron Belinda Ballukun, duke shtyrë mbledhjet e Këshillit të Imunitetit.
“Kjo që po ndodh është një njollë e zezë për Kuvendin. Mbrojtja politike e një të korruptuari është çështje që ju bën me turp edhe juve. Të mblidhet menjëherë Këshilli i Imuniteteve dhe t’i hapim rrugën drejtësisë”, tha përfaqësuesja e Partisë Demokratike.
Në të njëjtën linjë ishte edhe Kryetari i Grupit të demokratëve, Gazment Bardhi. Ai akuzoi kryetarin e Kuvendit, Niko Peleshin se nëpërmjet refuzimit të pesë kërkesave për të mbledhur Këshillin e Imunitetit, është në shkelje flagrante të rregullores.
“Kështu siç e keni shkruar, edhe pse jam i bindur se nuk e dini se çfarë keni shkruar, i bie që Këshilli i Imunitetit të mblidhet pas dy muajsh. Ju thoni që do ta mblidhni Këshillin pas vendimit të Gjykatës Kushtetuese, ndërkohë që gjykata ka më shumë se dy muaj kohë për t’u shprehur. Argumetet nuk kanë bazë në Kushtetutë apo në Rregullore. Askund nuk thuhet që Kuvendi duhet të presë të shprehet një institucion tjetër për një çështje që nuk ka lidhje me ne. Keni marrë në mbrojtje korrupsionin e Edi Ramës dhe Belinda Ballukut”, akuzoi Bardhi.
Ndërkohë, kryetari i Kuvendit, Niko Peleshi i është përgjigjur akuzave të deputetëve demokratë. “Shtyrja e mbledhjes së Këshillit është në përputhje me Rregulloren e Kuvendit. Në Këshillin e Mandateve vendimet nuk merren me shumicë të thjeshtë, aty vlen çdo propozim i anëtarëve. Mbledhjen e shtyva me propozim të deputetëve anëtarë Taulant Balla dhe Bledi Çomo, që kërkuan të presin vendimin e Gjykatës Kushtetuese”, tha Peleshi.
Shkarkoni aplikacionin Newsmax Balkans:
Komente (0)