Fundjava e zjarrtë e politikës, PS mbledh Asamblenë të shtunën, PD proteston të dielën

Dhe pse këtë të premte festohet Fiter Bajrami fundjava për politikën nuk është pushim. Fundjava risjell  tensionet politike dhe pse qytetarëët janë në ditë festash.

Të shtunën socialistët do të mbledhin Asamblenë Kombëtare, e cila mësohet se do të mbahet në Lalëz. Siç është bërë e ditur dhe më herët, organizimi i brendshëm i partisë dhe ristrukturimi i saj do të jenë në fokus të mbledhjes. Zgjedhjet e reja, strukturat drejtuese dhe ndryshimet në drejtim politik do të kenë fokusin e selisë rozë.

Sakaq, një ditë para festës së Sulltan Novruzit, të dielën, Partia Demokratike do të zhvillojë protestën kombëtare të radhës. Demokratët do të zbresin në shesh kundër qeverisë, duke vijuar kështu aksionin opozitar që kërkon rrëzimin e qeverisë së Edi Ramës dhe zgjedhje të lira e të ndershme. 

"Fatet e vendit nuk mund të lihen në duart e ajatollahut të Tiranës. Protesta kombëtare e 22 marsit është një thirrje për të gjithë shqiptarët, pavarësisht bindjeve, për ta ndalur rrëshqitjen e vendit në humnerën prej së cilës doli më 22 mars 1992", tha një ditë më parë lideri i PD-së Sali Berisha nga Brukseli, ku ndodhej për 50-vjetori e Partive Popullore Evropiane.

Edhe vetë demokratët gjatë pranverës do të kenë organizim të strukturave të tyre që do të kulmojë me Kuvendin e PD në qershor. 

Shkarkoni aplikacionin Newsmax Balkans:

Mund ta shkarkoni aplikacionin Newsmax Balkans nga Google Play dhe App Store.

Komente (0)