Referendum për të ulur numrin e deputetëve, Rama: Kuvendi i Shqipërisë do të riorganizohet

Ligji për referendumet sipas kryeministrit Edi Rama do të miratohet brenda këtij sesioni parlamentar dhe do të shërbejë sipas tij për t’i hapur rrugën një vendimi të popullit shqiptar për uljen e numrit të deputetëve në Kuvendin e Shqipërisë.

Nga Asambleja e PS në Durrës, Rama tha se ka ardhur koha që Kuvendi të riorganizohet.

“Disa reforma të rëndësishme për të cilat duhet të flasim me njerëzit në këtë proces që nisin nga sot deri në fund të prillit dhe më pas deri në fund të qershorit që konsolidohet me përfundimin e të gjithë zgjedhjeve në PS. Kemi folur për riorganizimin e Kuvendit të Shqipërisë, 10 legjislatura kanë hyrë e kanë dalë. Ne do zbresim numrin e deputetëve dhe besoj për këtë ne jemi vonë por prapë kemi të gjithë kohën që t’i thërrasim shqiptarët në referendum dhe ndaj ne do çojmë përpara ligjin e munguar për referendumet sepse ka edhe tema të tjera që duhet ti vendosim përpara shqiptarëve dhe t’i lëmë të thonë se kush eshte me ke… Besoj që ligji i ri për referendumet është i realizueshëm brenda këtij sesioni”, tha Rama.

Ai gjithashtu komentoi ligjin organik për funksionimin e Kuvendit. “Së dyti, kemi folur për ligjin organik për funksionimin e Kuvendit të Shqipërisë. Kuvendi i ka deputetët pa status, i ka të pa majftueshme burimet me të cilat funksionon, nuk ka as shtëpi. Këshuqe, të gjitha këto duhen bërë dhe duhen bërë tani. Mbase nuk përfundon brenda këtij mandati, por është e domosdoshme të nisë pa kaluar gjysma e këtij mandate”, u shpreh ai.

Shefi i qeverisë u ndal edhe tek dy reforma të rëndësishme, si ajo Territoriale dhe Zgjedhorja.

“Kemi vënë para nesh detyrën për një reformë territoriale që s’mund të qëndrojë e mbyllur në guackën e një komisioni. Ka ardhur koha të diskutohet, ta diskutojmë ne me njerëzit në territor. Nuk ka nevojë, për fjalë, për fantazi e shpifje që kanë nisur të qarkullojnë për t’ju kundërvënë reformës. Po ashtu, reforma zgjedhore kemi nisur nga puna. Duhet të adresojmë rekomandimet e OSBE ODIHR, por duhet ta bëjmë depolitizimin e plotë të administratës zgjedhore duan apo nuk duan ata që kurrë mos dacin. Duhet të bëjmë cmos që rezultati të dalë më shpejt, duke bërë këto dy gjëra, do i japim përgjigje shumë shqetësimeve që krijohen artificialisht”, tha ai.

Shkarkoni aplikacionin Newsmax Balkans:

Mund ta shkarkoni aplikacionin Newsmax Balkans nga Google Play dhe App Store.

Komente (0)