"Nesër, kryengritje kundër regjimit", Berisha zbulon skenarin e protestës: S'ka deputetë në vijën e parë

Kreu i Partisë Demokratike, Sali Berisha, zhvilloi një bashkëbisedim online me qytetarët, ku bëri thirrje për pjesëmarrje masive në protestën kombëtare që opozita do të zhvillojë ditën e nesërme, orën 18:00.

Në fjalën e tij, Berisha e cilësoi protestën si një moment të rëndësishëm për qytetarët, duke i ftuar ata të ngrihen në kryengritje kundër qeverisë.

“U bëj thirrje qytetarëve të përmbushim detyrën tonë ndaj këtij regjimi, të ngrihemi fuqishëm kundër Ramës dhe organizatës së tij kriminale që më së fundi mbylli edhe dyert e Europës për Shqipërinë me mburojën që krijoi për veten dhe organizatën e tij kriminale. Sot është detyrë e të gjithë shqiptarëve që në sheshe e rrugë të tregojmë forcën tonë në kryengritjen më të madhe paqësore që ka njohur Tirana”, deklaroi Berisha.

Ai theksoi se gjatë ditëve të fundit është punuar intensivisht për mobilizimin e qytetarëve, duke kërkuar një organizim sa më të mirë të protestës. Berisha zbuloi edhe detaje nga skenari i tubimit, duke theksuar se deputetët nuk do të jenë në vijën e parë, por do të shpërndahen mes protestuesve.

LEXO MË SHUMË

Politikë

PD zbret nesër në shesh, mesazhi drejtuar strukturave zbulon strategjinë e protestës

Tubimi që do të nisë në orën 18:00 pason protestën e mëparshme, e cila agravoi me hedhjen e koktejve të molotovit në ambientet e vilës së ish-diktatorit Enver Hoxha.

11:23 50 ditë më parë21.03.2026.

Autori

Politikë

Berisha njofton protestën e radhës: Të gjithë në Tiranë më 22 mars

Kreu i demokratëve Sali Berisha ka njoftuar se protesta e radhës kombëtare e opozitës do të mbahet më 22 mars në Tiranë.

11:55 59 ditë më parë12.03.2026.

Autori

“Deputetët kanë porosi të mos rrinë të parët, por të shkojnë pranë protestuesve të zonave të tyre. Kjo edhe mund të ndryshojë. Ishte taktikë dhe qëndrim i yni”, u shpreh ai.

Sipas tij, kjo strategji synon të rrisë koordinimin në terren dhe të forcojë lidhjen me qytetarët që i përgjigjen thirrjes së opozitës për rrëimin e qeverisë.

Gjatë bashkëbisedimit, Berisha komentoi edhe pretendimet për përfshirjen e opozitës në të ashtuquajturën “dosja Balluku”, duke i hedhur poshtë kategorikisht.

“Do të më falni, por dosja Balluku nuk u është dhënë deputetëve. Atyre u është dhënë një raport për të cilin ata kanë firmosur para prokurorit se mbajnë përgjegjësi penale në rast se e nxjerrin raportin”, tha ai.

Ai garantoi se në këtë çështje nuk ka asnjë emër nga opozita. “Tani nëse ndokush mund t’i shkojë mendja se në dosjen Balluku ekzistojnë emra opozitës, gabojnë shumë, shumë rëndë. Ju garantoj se nuk ekziston asnjë emër i tillë, kurrë.”

Berisha shtoi se nuk i ka kërkuar deputetëve të shkelin ligjin për të zbuluar informacionin.

“Unë jam kryetari i kësaj partie… deputetëve, anëtarëve të atij komisioni nuk i kam kërkuar as për veten time, të shkelin deklaratën që kanë bërë në përgjegjësi penale. Sepse ajo është ligjore dhe janë të detyruar të zbatojnë ligjin”, tha ai.

Shkarkoni aplikacionin Newsmax Balkans:

Mund ta shkarkoni aplikacionin Newsmax Balkans nga Google Play dhe App Store.

Komente (0)