Kaos te Real Madridi para “El Clasico”, Mbappe largohet nga stërvitja dhe mbetet jashtë ndeshjes me Barcelonën

Atmosfera te Real Madrid është tensionuar maksimalisht vetëm pak orë para përballjes vendimtare me Barcelonën, ndërsa Kylian Mbappé ka mbetur jashtë skuadrës pas një problemi fizik të minutës së fundit.

Sipas mediave spanjolle, sulmuesi francez gjatë stërvitjes së të shtunës shfaqi probleme në kofshë dhe njoftoi stafin se nuk mund të vazhdonte më seancën. Raportohet se kishin mbetur vetëm pak minuta nga fundi i stërvitjes dhe shpresa për rikuperim ishte e madhe.

Mbappe ka qenë në qendër të kritikave nga tifozët madrilenë, pasi gjatë rikuperimit nga dëmtimi u fotografua në një jaht me partneren e tij të re. Situata ka shkaktuar zemërim te tifozët, ndërsa në rrjetet sociale është hapur edhe një peticion që kërkon largimin e tij nga klubi në verë.

Ndërkohë, problemet në dhomat e zhveshjes janë shtuar edhe më shumë pas përplasjes mes Federico Valverde dhe Aurélien Tchouaméni. Mediat raportojnë se Valverde humbi ndjenjat dhe pësoi dëmtime në kokë gjatë konfliktit, duke përfunduar në spital. Të dy lojtarët janë gjobitur me nga 500 mijë euro.

Trajneri Álvaro Arbeloa mbrojti publikisht lojtarët dhe kërkoi që situata të mos përdoret për të vënë në dyshim profesionalizmin e skuadrës.

Shkarkoni aplikacionin Newsmax Balkans:

Mund ta shkarkoni aplikacionin Newsmax Balkans nga Google Play dhe App Store.

Komente (0)