Futbolli italian në zi, ndahet nga jeta legjenda e Interit

Futbolli italian dhe veçanërisht tifozët e Interit janë në zi pas ndarjes nga jeta të ish-mesfushorit legjendar Evaristo Beccalossi, një prej figurave më të dashura të klubit zikaltër.

Beccalossi u nda nga jeta në një klinikë në Brescia gjatë natës mes të martës dhe të mërkurës. Ai do të festonte 70-vjetorin më 12 maj. Gjendja e tij shëndetësore ishte përkeqësuar ndjeshëm prej janarit të vitit 2025, pas një problemi të rëndë shëndetësor që e kishte lënë për një kohë të gjatë në koma.

I lindur në Brescia në vitin 1956, Beccalossi konsiderohej një nga talentet më të mëdhenj të futbollit italian në fundin e viteve ’70 dhe fillimin e viteve ’80. Ai njihej për fantazinë, teknikën dhe vizionin e jashtëzakonshëm në fushë, duke mbajtur tiparet klasike të numrit 10.

Karrierën e nisi me Brescia-n, por emri i tij lidhet përgjithmonë me Interin, ku luajti nga viti 1978 deri në 1984. Me fanellën zikaltër zhvilloi 216 ndeshje dhe shënoi 30 gola.

Gjatë periudhës së tij te Interi, Beccalossi fitoi titullin kampion të Italisë në sezonin 1979-1980, si edhe dy herë Kupën e Italisë.

Pas largimit nga Interi, ai veshi edhe fanellat e Sampdoria, Monzës dhe Barlettës, ku mbylli karrierën në vitin 1987.

Shkarkoni aplikacionin Newsmax Balkans:

Mund ta shkarkoni aplikacionin Newsmax Balkans nga Google Play dhe App Store.

Komente (0)