Llogari të menxhuara nga prindërit, WhatsApp për fëmijët nën 13 vjeç

WhatsApp po lançon llogari për fëmijët nën 13 vjeç, por të menaxhuara nga një prind. Përvoja e përdoruesit do të kufizohet vetëm në mesazhe dhe thirrje, jo në kanale ose në chatbot-in Meta AI. 

Platforma Meta njoftoi zyrtarisht duke theksuar se funksioni do të zbatohet gradualisht për të "marrë reagime nga përdoruesit dhe për t'u ofruar familjeve mënyrën më të sigurt dhe më private për të komunikuar".

"Kur përcaktojmë se një përdorues është nën 13 vjeç, ne e bllokojmë llogarinë dhe kërkojmë që ai të lidhet me një prind ose kujdestar për të vazhduar përdorimin e WhatsApp," shton kompania. "Prindërit do të duhet ta vendosin telefonin e blerë për fëmijën pranë të tyres dhe ta lidhin atë," shpjegon kompania. 

Pasi të jenë konfiguruar, këto llogari kontrollohen nga prindi ose kujdestari, i cili mund të vendosë se kush mund të kontaktojë llogarinë dhe në cilat grupe mund të bashkohen. Për më tepër, prindërit mund të kontrollojnë kërkesat për mesazhe nga kontakte të panjohura dhe të menaxhojnë cilësimet e privatësisë së llogarisë.

Cilësimet dhe veçoritë e reja të kontrollit prindëror mbrohen nga një PIN i prindit në pajisjen e menaxhuar. Vetëm prindërit mund të hyjnë dhe të ndryshojnë cilësimet e privatësisë, duke u lejuar atyre të personalizojnë përvojën e familjes së tyre. Të gjitha bisedat personale mbeten private dhe të mbrojtura me enkriptim nga fillimi në fund, që do të thotë se askush, madje as WhatsApp, nuk mund ta shohë ose dëgjojë përmbajtjen.

Shkarkoni aplikacionin Newsmax Balkans:

Mund ta shkarkoni aplikacionin Newsmax Balkans nga Google Play dhe App Store.

Komente (0)