Dyshime për ligjshmërinë e prokurorit, Veliaj kërkon vëzhgim ndërkombëtar për seancën e 8 majit

Kryetari i Bashkisë së Tiranës, Erion Veliaj, i është drejtuar ambasadave perëndimore dhe organizatave ndërkombëtare me një kërkesë për të monitoruar nga afër seancën gjyqësore të 8 majit në Gjykatën Administrative të Tiranës, ku do të shqyrtohet ligjshmëria e emërimit të prokurorit Ols Dado. Aktualisht në paraburgim, ai është drejtuar ambasadave me një letër zyrtare.

Aty, Veliaj thekson se “kontestimi ligjor nuk ka të bëjë vetëm me mua… por me respektimin e ligjit që rregullon emërimin e prokurorëve”, duke kërkuar gjithashtu që seanca të transmetohet publikisht për të garantuar transparencë maksimale. Sipas pretendimeve të Veliajt, prokurori në fjalë nuk përmbush kriteret ligjore për të ushtruar funksionin, pasi nuk ka përfunduar Shkollën e Magjistraturës dhe nuk ka përfituar ndonjë përjashtim të ligjshëm. Për këtë arsye, ai vë në pikëpyetje vlefshmërinë e çdo veprimi të ndërmarrë nga prokurori në këtë çështje.

Veliaj paralajmëron se ekziston rreziku që çështja të mbyllet për arsye procedurale pa u shqyrtuar në themel, duke ngritur shqetësime për procesin e rregullt ligjor. Ndërkohë, përfaqësues të ekipit ligjor ndërkombëtar theksojnë se “nëse një prokuror nuk ka kualifikimet ligjore… çdo veprim i ndërmarrë është i dyshimtë”, duke e cilësuar transparencën si thelbësore për besimin e publikut te drejtësia shqiptare. Nga ana tjetër, përfaqësues të ekipit ligjor ndërkombëtar e cilësojnë rastin si një provë të rëndësishme për sundimin e ligjit në Shqipëri, duke theksuar se transparenca është thelbësore për besimin e publikut në institucionet gjyqësore.

Shkarkoni aplikacionin Newsmax Balkans:

Mund ta shkarkoni aplikacionin Newsmax Balkans nga Google Play dhe App Store.

Komente (0)