E la e dashura, 15-vjeçari në SHBA i vret mamanë, motrën dhe vëllain

Një adoleshent në Teksas është arrestuar dhe akuzohet për një krim tronditës: vrasjen e nënës së ish-të dashurës së tij dhe dy fëmijëve të saj të mitur. Policia e ka cilësuar si një “akt të qëllimshëm dhune dhe jashtëzakonisht të ulët”.

Viktimat, Jennifer Rodriguez, 39 vjeçe, vajza e saj 13-vjeçare dhe djali 9-vjeçar, u gjetën të vrarë mbrëmjen e 9 dhjetorit në apartamentin e tyre luksoz në Odessa, Teksas. Ngjarja ndodhi rreth orës 17:45, periudhë kur policia u njoftua për të shtëna armësh.

Sipas policisë së Odessas, i dyshuari — i cili nuk identifikohet për shkak të moshës 15-vjeçarave — kishte pasur një lidhje të mëparshme me një vajzë bashkëmoshatare, e cila ishte më e madhja nga fëmijët e Rodriguez. Hetimet paraprake tregojnë se ai fillimisht kishte planifikuar ta qëllonte ish-të dashurën jashtë shkollës, por më pas ndryshoi mendje dhe shkoi drejt banesës së familjes, ku kreu masakrën.

Vajza 15-vjeçare nuk është lënduar fizikisht, por natyrisht ndodhet në gjendje të rënduar emocionale pas fatkeqësisë që i ndodhi familjes. Autori u largua nga vendngjarja, por u kap nga policia 40 minuta pas krimit.

Adoleshenti është akuzuar për vrasje të gradës së parë ndaj shumë personave, një nga akuzat më të rënda sipas ligjit të Teksasit, dhe po mbahet në Qendrën e Paraburgimit për të Mitur të qarkut Ector. Një armë zjarri, e llojit pistoletë, që dyshohet të jetë përdorur në vrasje, është sekuestruar, ndërsa hetuesit po presin konfirmimin zyrtar se bëhet fjalë për armën e krimit.

Shkarkoni aplikacionin Newsmax Balkans:

Mund ta shkarkoni aplikacionin Newsmax Balkans nga Google Play dhe App Store.

Komente (0)