Kronikë
Pas 8 orësh bllokim, hapet rruga Librazhd- Qafë Thanë
Pas tetë orësh bllokim është hapur një korsi e rrugës Librazhd- Qafë Thanë, në vendin e quajtur Dragostunjë.
19:55 1 ditë më parë01.02.2026.
AutoriPublikohet dosja “Epstein”, mijëra foto e dokumente, Bill Clinton shihet në pishinë me një grua
Departamenti i Drejtësisë në SHBA publikoi të premten mijëra dokumente nga dosja e Jeffrey Epstein, i dënuar për krime seksuale, për të cilin vijojnë hetimet për lidhjet e tij me individë të pasur dhe të fuqishëm.
Burimi: AP
20.12.2025. 09:19
Departamenti i Drejtësisë në SHBA publikoi të premten mijëra dokumente nga dosja e Jeffrey Epstein, i dënuar për krime seksuale, për të cilin vijojnë hetimet për lidhjet e tij me individë të pasur dhe të fuqishëm.
Dokumentet, të cilat përfshijnë fotografi, video dhe materiale hetimore, ishin shumë të pritshme pasi Kongresi miratoi një ligj që kërkonte publikimin e plotë të dosjeve deri të premten. Megjithatë, Departamenti i Drejtësisë pranoi se nuk ishte në gjendje t’i publikonte të gjitha dokumentet brenda afatit të përcaktuar.
Në grupin e parë të dokumenteve përfshihen një numër figurash të njohura, mes tyre ish-presidenti amerikan Bill Clinton, Andreë Mountbatten-Ëindsor, si dhe muzikantët Mick Jagger dhe Michael Jackson.
Dokumentet pothuajse nuk kishin asnjë material lidhur me një tjetër mik të hershëm të Epstein, presidentin amerikan Donald Trump, përveç disa imazheve të njohura prej kohësh. Trump shfaqet shumë rrallë në dokumente, ndërsa numri i vogël i fotove të tij duket se kanë qenë në domenin publik prej dekadash. Mes tyre janë dy fotografi ku Trump dhe Epstein pozojnë me zonjën e parë aktuale, Melania Trump, në shkurt të vitit 2000, në një aktivitet në resortin e tij Mar-a-Lago.
Foto: Departamenti i Drejtësisë i SHBA
Foto: Departamenti i Drejtësisë i SHBA
Foto: Departamenti i Drejtësisë i SHBA
Foto: Departamenti i Drejtësisë i SHBA
Foto: Departamenti i Drejtësisë i SHBA
Foto: Departamenti i Drejtësisë i SHBA
Foto: Departamenti i Drejtësisë i SHBA
Foto: Departamenti i Drejtësisë i SHBA
Foto: Departamenti i Drejtësisë i SHBA
Foto: Departamenti i Drejtësisë i SHBA
Dosjet kishin të përfshirë gjithashtu regjistra telefonatash, dëshmi para jurisë së madhe, transkripte intervistash dhe dokumente të tjera. Ato u publikuan mes një pritjeje jashtëzakonisht të madhe nga publiku se mund të ofronin pamjen më të detajuar për gati dy dekada shqyrtimi qeveritar të abuzimve seksuale të Epstein ndaj grave të reja dhe vajzave të mitura.
Megjithatë, AP raporton se dokumentet e bëra publike, të mbushura me pjesë të redaktuara, duket se nuk kanë gjasa të kënaqin kërkesën e madhe për informacion, për shkak se shumë dokumente ende nuk janë bërë publike dhe sepse disa prej materialeve ishin publikuar më parë.
Demokratët dhe disa republikanë shfrytëzuan publikimin e kufizuar të tyre për të akuzuar Departamentin e Drejtësisë se nuk kishte respektuar afatin e përcaktuar nga Kongresi për dorëzimin e dokumenteve, ndërsa zyrtarë të Shtëpisë së Bardhë në rrjetet sociale promovuan me entuziazëm një foto të Clintonit në një pishinë me ujë të nxehtë, ku shihet krah tij edhe një grua, fytyra e së cilës ishte e mbuluar.
Administrata Trump e paraqiti publikimin si dëshmi të përkushtimit të saj ndaj transparencës. Sakaq, në një letër drejtuar Kongresit, zëvendësprokurori i përgjithshëm Todd Blanche shkroi se Departamenti i Drejtësisë po vazhdonte shqyrtimin e dokumenteve në posedimin e tij, po mbante disa prej tyre të fshehura sipas përjashtimeve që synojnë mbrojtjen e viktimave dhe pritet që të tjera dokumente të bëhen publike deri në fund të vitit.
Përmendja ose paraqitja në dokumente nuk nënkupton fajësi dhe shumë prej personave të identifikuar në këto dosje, apo në publikime të mëparshme lidhur me Epstein, kanë mohuar çdo keqbërje.
Shkarkoni aplikacionin Newsmax Balkans:
Komente (0)