Raporti i CIA-s për Lindjen e Mesme: Irani mund të rezistojë 3-4 muaj ndaj bllokadës detare amerikane

Sipas një analize të Agjencisë Qendrore të Inteligjencës së SHBA-së (CIA), Irani do të ishte në gjendje të përballojë një bllokadë detare amerikane për të paktën tre deri në katër muaj, përpara se të përballet me pasoja serioze ekonomike. Raporti, i cili i është dorëzuar këtë javë administratës së Donald Trump, vlerëson se presioni detar do të ndikonte gradualisht në ekonominë iraniane, por jo në mënyrë të menjëhershme.

Në të njëjtën kohë, mediat amerikane raportojnë se Irani pritet t’i përgjigjet një draft-marrëveshje të propozuar nga SHBA-të, e cila përmban 14 pika që synojnë t’i japin fund konfliktit dhe të hapin rrugën për negociata më të detajuara. Plani amerikan parashikon që Teherani të pranojë një moratorium mbi programin bërthamor, ndërsa SHBA do të lehtësonte sanksionet dhe do të zhbllokonte fondet e ngrira.

Një nga elementët kryesorë të marrëveshjes lidhet edhe me hapjen e Ngushticës së Hormuzit për qarkullimin e lirë të anijeve cistern dhe të mallrave. Megjithatë, sipas burimeve të cituara nga mediat ndërkombëtare, disa prej kushteve të propozuara nga SHBA konsiderohen “të papranueshme” nga autoritetet iraniane, duke e bërë të pasigurt ecurinë e negociatave.

Shkarkoni aplikacionin Newsmax Balkans:

Mund ta shkarkoni aplikacionin Newsmax Balkans nga Google Play dhe App Store.

Komente (0)