“Rreth dy milionë ushtarë rusë dhe ukrainas të vrarë ose të plagosur”, bilanci dramatik i luftës

Numri i ushtarëve rusë dhe ukrainas të vrarë, të plagosur ose të zhdukur gjatë luftës që po zgjat prej afro katër viteve, po i afrohet shifrës së dy milionë personave. Ky është bilanci dramatik që raportohet nga “New York Times”, duke cituar një studim të publikuar nga “Center for Strategic and International Studies”.

Sipas të dhënave të këtij instituti kërkimor, rreth 1,2 milionë ushtarë rusë dhe afërsisht 600 mijë ushtarë ukrainas janë vrarë, plagosur ose rezultojnë të zhdukur. Bilanci i përgjithshëm arrin aktualisht në rreth 1,8 milionë trupa.

Studimi paralajmëron se, nëse luftimet vazhdojnë me të njëjtin intensitet, numri i përgjithshëm i humbjeve ushtarake mund të arrijë në dy milionë deri në pranverën e ardhshme. Kjo do ta bënte luftën në Ukrainë, në një prej konflikteve më shkatërrues në Europë prej Luftës së Dytë Botërore.

Shkarkoni aplikacionin Newsmax Balkans:

Mund ta shkarkoni aplikacionin Newsmax Balkans nga Google Play dhe App Store.

Komente (0)