Spiunonte te Rusia, arrestohet në zyrë punonjësi i Ministrisë së Mbrojtjes polake

Një punonjës i Ministrisë së Mbrojtjes së Polonisë, me përvojë të gjatë pune, u arrestua të martën në mëngjes nën dyshimin për spiunazh, për llogari të inteligjencës ruse.

Arrestimi i të dyshuarit u konfirmua në një intervistë me median polake Onet nga zëdhënësi i Ministrisë së Mbrojtjes, Janusz Sejmej. Ministri e Mbrojtjes në Varshavë njoftoi se i dyshuari si spiun rus është një punonjës i nivelit të mesëm në Departamentin e Strategjisë dhe Planifikimit të Mbrojtjes dhe ndalimi i tij u krye rreth orës 8 të mëngjesit, pak pasi i dyshuari u paraqit në zyrë.

“Pas përfundimit të aktiviteteve në vazhdim, ne do të lëshojmë një deklaratë të përshtatshme për këtë çështje”, tha Sejmej për Onet.

Operacioni thuhet se ishte rezultat i një hetimi të gjatë të kryer nga Shërbimi i Kundërzbulimit Ushtarak të Polonisë.  “Shërbimet kishin monitoruar veprimet e këtij burri për shumë muaj. Aktivitetet e tij u dokumentuan dhe u analizuan me kujdes. Prandaj, provat e mbledhura kundër tij janë shumë të forta”, citoi një burim për median polake Onet.

Një burim tjetër i Onet thuhet se vlerësoi shërbimet e inteligjencës së vendit për trajtimin e asaj që ata e quajtën një situatë shumë të pazakontë. 

“Nuk ka pasur operacione të këtij lloji në vitet e fundit, dhe arrestimi i një spiuni të dyshuar të vendosur në një vend kaq të ndjeshëm si Ministria e Mbrojtjes Kombëtare duhet të lexohet si një sukses i padyshimtë dhe i madh i shërbimit tonë të kundërzbulimit.”

Çështja është ende në zhvillim e sipër, kështu që arrestime të mëtejshme nuk mund të përjashtohen. 

Shkarkoni aplikacionin Newsmax Balkans:

Mund ta shkarkoni aplikacionin Newsmax Balkans nga Google Play dhe App Store.

Komente (0)