Erdogan ndalon rrjetet sociale për të miturit nën 15 vjeç

Parlamenti i Turqisë ka nisur diskutimet për një projektligj të ri që synon të kufizojë përdorimin e rrjeteve sociale për fëmijët nën moshën 15 vjeç.

Sipas draftit, platforma të njohura si YouTube, TikTok, Facebook dhe Instagram do të detyrohen të vendosin sisteme verifikimi të moshës dhe kontrolle prindërore. Kjo do të thotë se fëmijët nën 15 vjeç nuk do të mund të hapin llogari, ndërsa për të miturit më të rritur do të krijohen ambiente më të sigurta dhe të filtruara.

Qeveria turke thotë se qëllimi kryesor është mbrojtja e fëmijëve nga përmbajtjet e dëmshme dhe rreziqet online, si bullizmi, mashtrimet apo varësia nga rrjetet sociale. Zyrtarët theksojnë se siguria dhe mirëqenia e fëmijëve është prioritet.

Megjithatë, jo të gjithë janë dakord. Disa përfaqësues të opozitës kërkojnë masa më të gjera, si edukimi për përdorimin e medias dhe internetit, duke theksuar se vetëm ndalimet nuk mjaftojnë.

Nisma të ngjashme po shfaqen edhe në vende të tjera. Australia dhe Indonezia kanë vendosur kufizime për përdorimin e rrjeteve sociale nga të miturit, ndërsa Greqia ka njoftuar se do të zbatojë masa të ngjashme nga viti 2027.

Këto hapa tregojnë një shqetësim në rritje në mbarë botën për ndikimin që rrjetet sociale kanë tek fëmijët, veçanërisht në shëndetin mendor dhe zhvillimin e tyre.

Shkarkoni aplikacionin Newsmax Balkans:

Mund ta shkarkoni aplikacionin Newsmax Balkans nga Google Play dhe App Store.

Komente (0)