“Koha e lirisë për popullin iranian po afron”, Trump: Regjim terrorist, dorëzoni armët ose vdisni

Presidenti amerikan Donald Trump ka deklaruar se Irani nuk mund të ketë kurrë armë bërthamore, duke justifikuar kështu sulmet e ndërmarra në bashkëpunim me Izraelin. Shefi i Shtëpisë së Bardhë e theksoi në mënyrë të prerë këtë qëndrim kundër regjimit të Shtetit Islamik.

“Ky regjimi terrorist nuk do të ketë kurrë armë bërthamore. E përsëris: nuk do të kenë kurrë armë bërthamore”, deklaroi Trump. Duke iu drejtuar Gardës Revolucionare dhe forcave të armatosura dhe policisë iraniane, presidenti amerikan dërgoi një tjetër mesazh të qartë.

“Dorëzoni armët dhe do të trajtoheni në mënyrë të drejtë, me imunitet të plotë. Në të kundërt, do të përballeni me vdekje të sigurt”, shtoi ai. Gjithashtu, presidenti iu drejtua edhe popullit iranian, që prej javësh ka ndërmarrë protesta kundër regjimit.

“Populli i madh dhe krenar iranian, koha e lirisë po afron. Qëndroni të sigurt, mos dilni nga shtëpitë tuaja, jashtë është shumë e rrezikshme. Ka bomba që bien kudo”, deklaroi Trump.

Shkarkoni aplikacionin Newsmax Balkans:

Mund ta shkarkoni aplikacionin Newsmax Balkans nga Google Play dhe App Store.

Komente (0)