Jerusalem, copa raketash bien pranë zyrës së Netanyahu dhe afër Bazilikës së Varrit të Shenjtë

Në sulmin e fundit të nisur nga Irani, një copë e madhe rakete ka rënë pranë zyrës së kryeministrit izraelit, Benjamin Netanyahu në Jerusalem. Gjatë të njëjtit sulm u godit edhe selia e një shkolle të madhe hebraike. Sipas ekipit të shpëtimit, një burrë 42-vjeçar u lëndua nga copat e nxehta dhe pësoi djegie.

Një copë tjetër rakete e interceptuar ra pranë Bazilikës së Varrit të Shenjtë, një nga vendet më të shenjta në Qytetin e Vjetër të Jerusalemit. Patriarkati greko-ortodoks raportoi se copa goditi tatin e Patriarkatit, disa metra larg bazilikës, fatmirësisht pa shkaktuar të lënduar.

Këto ngjarje përbëjnë një ndryshim krahasuar me përleshjet e mëparshme me Iranin, duke përfshirë edhe Luftën e 12 ditëve në qershorin e vitit 2025. Në atë rast, Qyteti i Vjetër kishte mbetur kryesisht i paprekur nga dëmet, krahasuar me bombardimet që kishin pësuar qytete të tjera si Tel Aviv apo Beersheba.

Foto nga web

Që nga fillimi i eskalimit të situatës së fundit, copat e raketave kanë goditur zona të ndryshme pranë Qytetit të Vjetër, përfshirë banesa në Jerusalem Lindor, në rrugën kryesore që çon në qytet dhe një sallë koncertesh në Jerusalem Perëndimor. Sipas fotografive të postuara në rrjet, një copë rakete ka rënë edhe në një godina banimi, duke shkaktuar dëme në çati.

Shkarkoni aplikacionin Newsmax Balkans:

Mund ta shkarkoni aplikacionin Newsmax Balkans nga Google Play dhe App Store.

Komente (0)