Përmbytje dhe viktima, Afrika e Jugut shpall gjendjen e fatkeqësisë natyrore

Autoritetet e Afrikës së Jugut kanë shpallur zyrtarisht gjendjen e fatkeqësisë kombëtare, për shkak të përmbytjeve të rënda dhe vdekjeprurëse që kanë goditur vendin prej fillimit të muajit dhjetor. Përmbytjet kanë prekur gjithashtu edhe Mozambikun fqinj.

Reshjet e dendura dhe stuhitë e vazhdueshme kanë shkaktuar të paktën 30 viktima në provincat Limpopo dhe Mpumalanga, në verilindje të vendit, ndërsa në Mozambik raportohen të paktën dhjetë të vdekur. “E klasifikoj këtë si fatkeqësi kombëtare”, deklaroi Elias Sithole, drejtues i Qendrës Kombëtare për Menaxhimin e Fatkeqësive në Afrikën e Jugut.

Ndërsa në disa zona uji ka nisur gradualisht të tërhiqet, ekipet e emergjencës po vazhdojnë kërkimet për të mbijetuar dhe për nxjerrjen e trupave. Mes tyre është edhe zona e Parkut Kombëtar Kruger, një nga atraksionet më të njohura turistike të vendit. Për shkak të situatës së rënduar, ai ishte detyruar të mbyllej prej së enjtes.

Sipas shërbimit të parqeve kombëtare, vizitat mund të rifillojnë prej kësaj jave. Megjithatë, autoritetet i kanë bërë thirrje turistëve të tregojnë kujdes maksimal, për shkak të dëmeve të mbetura dhe rrezikut të mundshëm.

Shkarkoni aplikacionin Newsmax Balkans:

Mund ta shkarkoni aplikacionin Newsmax Balkans nga Google Play dhe App Store.

Komente (0)