Xi pret Putin: Dënojmë sulmin ndaj Iranit dhe rrëmbimin e Maduros

Presidenti rus Vladimir Putin mbërriti në Pekin, ku është pritur nga presidenti kinez Xi Jinping për një raund të ri bisedimesh diplomatike dhe përforcimi të bashkëpunimit dypalësh. Kjo është vizita e tij e 25-të zyrtare në Kinë dhe pasqyron forcimin e bashkëpunimit strategjik midis Moskës dhe Pekinit në një kohë tensionesh globale.

Në një deklaratë të përbashkët të lëshuar pas takimit, Kina dhe Rusia kanë dënuar fuqishëm të ashtuquajturat sulme ndaj Iranit dhe ngjarjet që kanë çuar në kapjen e presidentit të Venezuelës, Nicolás Maduro. Këto dy vende, i përshkruajnë ngjarjet si shkelje të rëndë të së drejtës ndërkombëtare.

Në deklaratë, dy vendet kritikuan sulmet ushtarake ndaj shteteve sovrane dhe përdorimin e negociatave si mbulesë për aksione të tilla, duke përmendur “vrasje të udhëheqësve të shteteve sovrane, destabilizim politik të brendshëm dhe nxitje të ndërrimit të regjimit”. Këto veprime sipas tyre shkaktojnë dëme të pariparueshme ndaj themelit të rendit botëror.

Po ashtu, Kina dhe Rusia theksuan se këto lëvizje shkelin rëndë Qendrën dhe Parimet e Kartës së Kombeve të Bashkuara, së bashku me normat e drejtësisë ndërkombëtare dhe marrëdhënieve ndërkombëtare. Konfliktet në Lindjen e Mesme dhe tensionet me Iranin, duke përfshirë sulmet e fundit, u përmendën si faktorë që “minojnë seriozisht stabilitetin” dhe rrisin nevojën për “rifillimin e dialogut dhe negociatave për të parandaluar zgjerimin e konfliktit global”.

Shkarkoni aplikacionin Newsmax Balkans:

Mund ta shkarkoni aplikacionin Newsmax Balkans nga Google Play dhe App Store.

Komente (0)