Shkencëtarët zbulojnë një formë krejtësisht të re jete

Shkencëtarët kanë zbuluar se një formë të çuditshme jete parahistorike, e cila arrinte deri në 8 metra lartësi, nuk ishte as kërpudhë dhe as bimë, por i përkiste një dege evolutive krejtësisht të zhdukur të jetës. Organizmi, i njohur si prototaxites, ka jetuar në Tokë rreth 410 milionë vjet më parë dhe u zhduk rreth 360 milionë vjet më parë, në një periudhë kur jeta në Tokë ishte ende në fazat e saj të hershme.

Për më shumë se një shekull e gjysmë, prototaxites është konsideruar si një lloj kërpudhe gjigante. Megjithatë, një analizë e re fosilesh, e kryer nga studiues të Muzeut Kombëtarë të Skocisë, ka vënë në pikëpyetje këtë teori. Duke analizuar strukturën anatomike dhe përbërjen kimike të fosilit, studiuesit arritën në përfundimin se ky organizëm nuk përputhet me asnjë grup të njohur bimor apo kërpudhor.

“Është jashtëzakonisht emocionuese të bëjmë një hap kaq të madh përpara në një debat shkencor që vazhdon prej rreth 165 vitesh,” u shpreh Dr. Sandy Hetherington, bashkautor i studimit. Sipas tij, prototaxites përfaqëson një “eksperiment të pavarur” të jetës për krijimin e organizmave të mëdhenj dhe kompleksë, një degë që sot nuk ekziston më.

Fosili u gjet në Rhynie, një depozitë sedimentare pranë Rhynie, në Aberdeenshire të Skocisë, e njohur si një nga ekosistemet tokësore më të vjetra dhe më mirë të ruajtura në botë. Cilësia e jashtëzakonshme e ruajtjes ka lejuar përdorimin e metodave moderne, përfshirë analiza të avancuara molekulare.

Mostrat tashmë janë shtuar në koleksionet e muzeun e Edinburgut.

Shkarkoni aplikacionin Newsmax Balkans:

Mund ta shkarkoni aplikacionin Newsmax Balkans nga Google Play dhe App Store.

Komente (0)