Berisha me të rinjtë e FRPD: Rama ka kthyer AKSHI-n në kopsht privat, gjithçka përfundon te Balluku

Kreu i Partisë Demokratike, Sali Berisha, ka vijuar akuzat ndaj kryeministrit Edi Rama, duke e akuzuar për korrupsion, kapje institucionesh dhe përfshirje familjare në tendera publikë. Berisha u ndal veçanërisht te AKSHI dhe skandali i lidhur, sipas tij, me baxhanakun e Ramës, Armand Frangaj, duke pretenduar se tenderët kontrolloheshin në mënyrë të paligjshme.

Sipas Berishës, në AKSH “çdo tender duhet të ftohej nga baxhanaku i Ramës”, ndërsa biznesmenët që konkurronin sipas ligjit përballeshin me presione. Ai deklaroi se “nëse dilte një konkurrues i vërtetë, ai merrej peng”, duke e cilësuar situatën si të paprecedentë dhe duke shtuar se “kjo ndodh në kopshtin privat të Ramës, AKSHI-n”. Berisha tha gjithashtu se rasti është dokumentuar edhe para institucioneve të huaja, pasi një prej sipërmarrësve të përfshirë ka kërkuar mbrojtje jashtë vendit.

Gjatë Foltores me të rinjtë e FRPD-së, Berisha u ndal edhe te çështja e Belinda Ballukut dhe vendimi i Gjykatës Kushtetuese, duke e cilësuar ditën e djeshme si një nga më të turpshmet për shtetin shqiptar. Ai tha se “kreu i shtetit, kryeministri dhe kryeparlamentari u përballën me një prokuror që donte të zbatonte ligjin”, ndërsa shtoi se “aty ku ka Belinda, është edhe Rama” dhe se “çdo gjë duhet të përfundojë në këmbët dhe këpucët e saj”.

Shkarkoni aplikacionin Newsmax Balkans:

Mund ta shkarkoni aplikacionin Newsmax Balkans nga Google Play dhe App Store.

Komente (0)