Diaspora në krah të Kurtit, 72% e votave të saj në favor të LVV

Diaspora edhe njëherë nuk e ka zhgënjyer Albin Kurtin në zgjedhjet parlamentare që u mbajtën më 28 dhjetor.

Në KQZ ka përfunduar edhe numërimi i votave të ardhura nga jashtë Kosovës, ku shihet një mbështetje e madhe për Lëvizjen Vetëvendosje të kryeministrit në detyrë.

Sipas të dhënave, pas numërimit të më shumë se 27 mijë votave me postë, rreth 19 mijë e tyre janë në mbështetje të Albin Kurtit dhe Vetëvendosje, ose ndryshe 72%.

Zëdhënësi i KQZ-së, Valmir Elezi sqaron se procesi i numërimit nuk ka përfunduar pasi më 2 dhe 5 janar janë tërhequr rreth 20 mijë pako të tjera me fletëvotime.

Sipas rezultateve të deritanishme të votimit me postë, LDK ka marrë 10.15 për qind të votave, e ndjekur nga PDK me 9.56 për qind.

Ndërkohë përsa i përket rezultatit të përgjithshëm Lëvizja Vetëvendosje ka siguruar 50.67 për qind të votave në total, e ndjekur nga PDK me 20.43 për qind, LDK me 13.33 për qind, AAK me 5.52 për qind dhe Lista Serbe me 4.56 për qind.

Shkarkoni aplikacionin Newsmax Balkans:

Mund ta shkarkoni aplikacionin Newsmax Balkans nga Google Play dhe App Store.

Komente (0)