Lufta e Iranit gjithnjë e më pranë Shqipërisë, Greqia nxjerr ‘Patriotët’ amerikanë

Greqia ka vendosur këtë të martë të transferojë një bateri të sistemit amerikan ‘Patriot’, në ishullin e Karpathos, i vendosur midis Rodosit dhe Kretës, thellë në Detin Mesdhe. Ky vendim u njoftua ndërsa Ministri i Mbrojtjes Nikos Dendias teksa po udhëtonte për në Qipro.

Foto: AP/Departamenti Amerikan i Mbrojtjes

Vetëm një ditë pasi aktivizoi doktrinën e e mbrojtjes së unifikuar greko-qipriote dhe njoftoi dërgimin e dy fregatave dhe avionëve F-16 për të mbrojtur Qipron, Greqia ka marrë një tjetër vendim me peshë, i ndikuar nga ndezja e konlfiktit në Lindjen e Mesme.

Athina ka vendosur këtë të martë të transferojë një bateri të sistemit amerikan ‘Patriot’, në ishullin e Karpathos, i vendosur midis Rodosit dhe Kretës, thellë në Detin Mesdhe. Lëvizja është pjesë e strategjisë së forcimit të mbrojtjes ajrore të vendit për shkak të trazirave që pasuan operacionin “Ulërima e Luanit” me goditjen e Iranit.

Ky vendim u njoftua ndërsa Ministri i Mbrojtjes Nikos Dendias teksa po udhëtonte për në Qipro dhe doktrina e përbashkët e mbrojtjes u aktivizua pas dy dronëve që Nikozia hasi të hënën në bazën britanike në Akrotiri.

Tashmë në Pafos kanë mbërritur dy avionët e parë F-16, ndërsa janë nisur drejt Qipros nga Stacioni Detar i Salaminës, fregatat ‘Kimon’ dhe ‘Psara’, të cilat pritet të mbërrijnë të mërkurën në mëngjes.

Së bashku me Nikos Dendias, Shefi i Shtabit të Përgjithshëm të ushtrisë helene, Gjenerali Houpis, po udhëton për në Qipro.

“E sigurova Ministrin e Mbrojtjes Kombëtare të Qipros se Greqia, gjatë gjithë kohëzgjatjes së krizës aktuale, do të kontribuojë në çdo mënyrë të mundshme në mbrojtjen e Republikës së Qipros, në mënyrë që kërcënimet dhe veprimet e paligjshme në territorin e saj të mund të adresohen”, deklaroi ditën e djeshme Nikos Dendias.

Me rëndësi të veçantë është prania e "Psara", e cila mbart sistemin e luftës elektronike "Kentaurus" të zhvilluar në Greqi për t'iu kundërvënë kërcënimeve te dronëve pa pilot.

Pse po dërgon qeveria greke sistemin “Patriot” në ishullin e Karpathos?

Vendosja e “Patriot-ve” në rajonin e Mesdheut Juglindor forcon ndjeshëm mbrojtjen kundërajrore dhe antibalistike. Sistemi është një nga platformat më të testuara në botë, me veprim operacional në kushte reale lufte. Sistemi “Patriot” përfshin një radar AN/MPQ-65 të gjeneratës së mëvonshme, i aftë të zbulojë dhe gjurmojë njëkohësisht dhjetëra objektiva.

Radari vepron në një spektër që lejon zbulimin e objekteve që fluturojnë ulët, siç janë dronët ose raketat lundruese, edhe në një mjedis me ndërhyrje të forta elektronike. Rrezja e zbulimit tejkalon 150 kilometra për objektivat ajrore, ndërsa për kërcënimet balistike mund të arrijë edhe më lart në varësi të profilit të fluturimit.

Krahasuar me dronët Shahed ose UAV-të e ngjashme me rreze të gjatë veprimi, sistemi “Patriot” mund t'i zbulojë ato në një distancë të madhe për shkak të trajektores së tyre relativisht të qëndrueshme dhe të parashikueshme. Këta dronë udhëtojnë me shpejtësi shumë më të ngadalta se avionët luftarakë ose raketat, duke lejuar më shumë kohë reagimi.

Sistemi amerikan mund të qëllojë raketa PAC-2 ose PAC-3, me PAC-3 që përmban teknologjinë "godit për të vrarë", që do të thotë se objektivi shkatërrohet nga ndikimi kinetik i drejtpërdrejtë. Sidomos për raketat balistike me rreze të shkurtër veprimi, PAC-3 ofron një probabilitet të lartë përgjimi. Koha e reagimit është jashtëzakonisht e shkurtër, pasi kompjuteri i sistemit llogarit trajektoren dhe pikën e impaktit brenda sekondave. Përgjimi kryhet në lartësi që mund të arrijnë dhjetëra kilometra, përpara se raketa të hyjë në fazën përfundimtare të zbritjes.